Félagsróður 22. desember

Félagsróður 29.12.2007

Fimm manns í þessum róðri þar af einn sem var að taka sín fyrstu áratök og stóð hann sig vel.

Strekkingsvindur af norðaustri ásamt kulda einkenndi þennan róður. Farið var inn í Grafarvog í skjóli fyrir vindinum. Stoppið tekið í fjöru rétt við Grafarvogsbrúnna í spegilsléttum sjó.

Bakaleiðin var tekin með vindinn og ölduna í fangið. Veðurbarin andlit sem lentu við gámana.

Guðmundur

Við vorum fjórir sem rérum út í Viðey í rólegum sjó.Skyndilega skall á él og rok sem byggði strax upp þó nokkra vindöldu og við breyttum stefnu upp í ölduna.
Eftir kaffistopp og 13 km róður hittum við Ágúst Inga sem sýndi okkur nýja grænlenska bátinn sem hann var að reyna á sjó í fyrsta skifti og lét vel af. Mjög rennilegur bátur, en líklega viðkvæmur.
Þeir sem réru voru Þórólfur,Páll, Sveinn Axel og Hörður.