Félagsróður 15. 5.

Félagsróður 29.05.2008

Sautján bátar á sjó. Blíðskaparveður, aðeins skýjað samt. Tekinn hefðbundinn Viðeyjarhringur rangsælis og stoppað á hefðbundnum stað á eyðinu. S.s í alla staði mjög hefðbundið og pent.

Guðmundur.

Fín æfing fyrir ferðina á morgun úr Örfirisey. Belgingur lofar góðu belgingur.is/index.php?pg=landshlutar3km&kort=FF
Gaman ef sem flestir gætu komið.
Kv.
Ingi

Sex manns réru í kvöld, í SA fjúki. Að sjálfsöggðu var rífandi lens út á haf, við rérum austan megin ness og fukum síðan útí Viðey norðanverða. Skrambi gaman. Grúppan skipti sér með því að fjórir tóku Viðeyjarhring og tveir Engeyjar á enn meira lensi. En síðan þurfti að borga tollinn fyrir gamanið og puða á móti rokinu heim. Hvarvetna hvítt í báru og róðurinn sóttist heldur seint en þetta var déskoti fínt, heilmikið pus og hopp og hí. Það var ekki einu sinni tekið kaffistopp. Hver hefði trúað því?

Ritað skal að róinn var Viðeyjarhringur í gær. Andvari og undiralda, smásúldarloft. Kaffistopp á Eiðinu. Hópurinn var fjölbreyttur, allt frá óvönum í fyrsta sjóróðrinum og uppúr. Þetta gekk bara ágætlega. Fjöldi þátttakenda var vel yfir tíu og sjómílur sex.