Til eyja frá Bakkafjöru í byrjun júní

þá er bara að stefna á það og biðja til veðurguðanna;)

Ef veðrið verður gott og þú verður dugleg að mæta í laugardags róðra fram að þessu þá ættirðu að sleppa.

Hvernig er það, er þetta of erfiður róður fyrir nýliða?
spyr sá sem ekkert veit...
kv karlotta

Surtsey er ekkert aðalatriði en það væri nú samt gaman að kíkja á hana. Þeir eru ekki margir sem hafa gist þar yfir nótt. En veðrið verður að ráða um Eyjaför. Það eru þónokkrir sem hafa farið þessa leið á undanförnum árum og þetta er í sjálfu sér ekkert rosalegt afrek ef veðrið er skaplegt. Er þetta ekki svona svipað og menn róa á góðum degi í félagsróðri.ca 15-20km fram og tilbaka. Svo er hægt að taka Herjólf ef veðrið versnar á
Sunnud.
Kv.
Ingi

Satt mælir Örlygur og raunar veit ég fyrir víst að erfiðara er að afla leyfis til Surtseyjarfarar en árið 2001. Í fyrra ætlaði ég og ljósmyndari einn að gera seríu um eyjuna, bæði til birtingar í Mbl. og hugsanlega á ljósmyndasýningu. Treglega var tekið í þá hugmynd af hálfu yfirvalda og var okkur tjáð að við yrðum að borga fyrir ferðir, laun og dagpeninga fyrir sérskipaðan eftirlitsmann. Ég held að kostnaður hafi verið um 100.000 kettlingar og var þessu þá sjálfhætt. Þar að auki gæti þetta orðið háskaleg sigling í meira lagi. Held að við ættum að láta Heimaey duga og hugsanlega einhverjar næreyjar.

Það er drjúgt út í Surtsey, 14 mílur frá Heimaey. Ég fór í gegnum leyfispakkann árið 2001, samdi sérstaka umsókn til Surtseyjarfélagsins og hvaðeina. Þar þurfti að lýsa tilgangi fararinnar að kröfu félagsins. Það gekk vel í það skiptið en ég myndi samt ekki veðja á manni yrði hleypt aftur þangað ef tilgangurinn væri eingöngu að kíkja við með svefnpoka og grilla. Þeir samþykktu að maður fengi að fara ef það kæmi blaðagrein út úr því. Og við fórum þarna nokkrir félagarnir í frábæru veðri. Okkur var skutlað af Sigurmundi Einars á vélbáti á 14 hnúta hraða og tók ferðin 1 klukkutíma.
Þegar við fórum var besta hugsanlega veður, hægur norðanandvari en samt væn undiralda og hopperí í bland. Þetta yrði vægast sagt alvarlegur róður á kayak.

Væri ekki hægt að skutlast útí Surtsey í leiðinni ef veður leyfði. (það yrði auðvitað á fá leyfi líka hjá þartilbærum yfirvöldum ef að þvi yrði)
Ef það kæmi til þá er hugmyndin að taka dag í að fara og annan í að koma til baka og gista eina nótt. Ég get reddað fylgdartuðru ef að verður.
Kv.
Ingi

Nú er umræðan orðin spennandi. Svona til að átta sig á róðrarlengdinni, fyrir okkur sem tekið hafa þátt í Hvammsvíkurmaraþoninu þá er þetta svipað og frá Þerney að Brautarholtstanganum sem heitir Kjalarnes. Sú leið er einnig fyrir opnu úthafinu, en minni straumar .Jafnvel miklu minni. Síðan er hægt að vera heppnir með tíma . að saman fari gott veður,kyrr sjór og smástreymt.
Er nokkuð að því að fara fram og til baka á sitthvoru fallinu ? Kannski svona 20 km róður
Endilega að halda málinu glaðvakandi...

Þetta er spennandi ef konan leyfir:whistle:

Þegar ég réri þetta fyrir 13 árum vorum við 1:25 á leiðinni, reyndar út í Bjarnarey, sem er jafn langt. Við lögðum á stað 40 mínútum fyrir liggjandann, þar sem straumar eru ansi sterkir á fallskiptunum.

Þessi ferðasaga verður fjótlega sett á heimasíðuna með myndum.

Væri alveg til í þetta einhverntíma þegar spáir vel. Væri jafnvel til í að róa út á föstudagskvöldi og svo kannski um eyjarnar á laugardegi og heim um kvöldið eða sunnudegi eftir því hvernig spáin er eða liggur á mönnum
Væri alveg synd að vera kominn með bátinn út og róa ekki um eyjarnar.

Mér líst vel á þetta og er svo sannarlega til í að skella mér með, að því gefnu að veðrið sé bærilega skaplegt að sjálfsögðu. En hvernig væri að nýta sunnudaginn til að róa í kringum eyjuna og síðan taka sprettinn aftur til baka og eftir atvikum fara til baka með Herjólfi? Þetta eru jú ekki nema 8 kílómetrar á milli lands og eyja og við ekki nema í mesta lagi tvo klukkutíma að klára skammtinn þann.

Ég var að láta mig dreyma um að róa til Eyja úr Bakkafjöru á sjómannadaginn næsta. Reyndar á Laugardeginum og tilbaka á Sunnudegi ef veður leyfir.
Er einhver með?
Kv.
Ingi