Uppskeruhátíð

Svona fyrir þá sem lesa alltaf bara korkinn en ekki fréttasíðuna er þetta endurtekið efni þaðan:

Íslandsmeistarar 2008 í kayakróðri, karla og kvenna, straum og sjó, verða krýndir á uppskeruhátíðinni laugardagskvöldið 27. sept í Kafarahúsinu Nauthólsvík.

Íslandsmeistari kvenna, sjókayak: Elín Marta Eiríksdóttir

Íslandsmeistari karla, sjókayak: Ólafur Einarsson

Íslandsmeistari kvenna, straumkayak: Tinna Sigurðardóttir

Íslandsmeistari karla, straumkayak: Stefán Karl Sævarsson

Allt kayakfólk er hvatt til að mæta á uppskeruhátíðina á laugardagskvöldinu, mæting um áttaleytið. Fyrir utan verðlaunaafhendinguna verður boðið upp á kayakvideosýningu og jafnvel eitthvað fleira fram eftir kvöldi. Um að gera að grípa með sér einhver drykkjarföng og ná upp smá uppskerustemningu ...

Mæting í bláa kafarahúsið svona milli 20 og 20:30, Rúnar krýnir Íslandsmeistara sjómanna og kvenna og Anna Lára sér um afhendinguna fyrir straumfólk. Planið er að halda upp á daginn með því að róa og heimsækja Tryggva í nýja aðstöðu Kayakklúbbsins Sviða á Álftanesi og mun hann taka þar á móti okkur með a.m.k. kaffi og aðstaðan verður tekin út. Planið er eins og er að leggja í hann kl. 15 úr Nauthólsvíkinni, vera hjá Tryggva kl. 17 og svo róa til baka til að mæta beint á uppskeruhátíðina. Þetta eru ca. 8km aðra leiðina stysta leið. Endilega látið þetta berast ... Því fleiri því betra - veðurspá er fín, vestangola og þurrt.

Uppskeruhátíð. Haldin í Kafarahúsinu í Nauthólsvík næstu helgi. Íslandsmeistaratitlar afhentir og allir gleðjast


Ætla menn ekki að mæta ??

Skora sérstaklega á Old Boys, kjörin vetvangur til að fara yfir afrek sumarsins og leggja á ráðin fyrir næsta sumar.