Félagsróður 27. des. '08.

Ég skil ekki að fólki þykji rómantískt að eðla sig þarna innan um sorp og hundaskít, getur verið að það ráði hreinlega ekki við sig þegar að það sér okkur kayakmennina spássera um svæðið í öllum okkar skrúða?

Sæl

Ekki mikið um mína ferð að segja. Ómerkilegur Geldingarneshringur samt tekinn með hraða í fyrirrúmi.

Ég hef aðeins orðið var við einliðaleik við gámana einu sinni, varð ekki var við að ég truflaði nokkuð.

Hundaskítur og annar sóðaskapur þarna er alveg til skammar. Merkilegt hvað sumir hundaeigendur geta verið yfirgengilegir sóðar.

En annars gleðileg jól öllsömul sjáumst í gamlársdagsróðri.

Kv.
Guðmundur.

Endilega ná í einhverjar hundafælur. Kostar þetta eitthvað mikið?


Einhver nefndi í vetur að líka mætti sáldra saltpétri í kringum gámana í sama tilgangi.

En Gísli, ertu viss um þetta hafi verið tvíliðaleikur sem þú truflaðir? Það þýðir nefnilega fjórir leikmenn..

Veður var gott, sunnan kaldi og frostlaust. Þeir sem reru voru GHF, Ólafur(nýliði), Lárus og Smári en hann vann sér það til frægðar s.l. sumar að róa einn frá Stykkishólmi í Skáleyjar og var sólbrenndasti maðurinn í hópnum sem þar hittist.
Við fórum um Fjósakletta, sunnan við Viðey og í kaffi á Eiðinu í krikanum rétt við Garðstjörnina í skjóli. Stundum lítum við hýru auga garðskálann, sem er ofan við litla vík áður en komið er að Eiðinu. Þar er líklega hlýtt inni og væri líklega hægt að semja við borgina um að fá lykil og hafa þarna prímus og kaffigræjur! Í bakaleiðinni skoðaði Lárus botngróðurinn að venju en ég velti fyrir mér að góð æfing væri að reyna að komast upp á Fjósakletta. Aðferðin væri að húkka dráttarlínunni í báttin, fara á sund og upp á flána, binda bátinn svo að eða draga hann upp á flána - bara svona hugmynd!
Það er mikll hundaskítur við gámana okkar. Að vera í skjóli og í hvarfi frá byggðinni, á þokkalegri möl og í myrkri býður upp á ýmislegt. Þarna getur að líta auk hundaskíts, smokka og stundum sorp, eitt sinn kom ég í myrkri að skipta um kayak í plássinu mínu og truflaði þá par í tvíliðaleik, í annað sinn var maður að ná í pakka undir gámunum og skaukst inn í bíl og burt.
Smári var að benda á að kaupa megi hundafælu (Garðheimar) og setja undir gámana - en ég veit ekki hvort hægt er að fá aðrar gerðir fælna.
Gummi Breiðdal var að fara á sjó þegar við lukum túrnum og ef hann kemur aftur gæti hann bætt við frásögn.
Kveðja, GHF.