Félagsróður 7. febrúar

Það voru 10-15 manns á sjó í dag, fóru nokkrar mismunandi leiðir í þremur hópum.

Einn hópurinn fór Viðeyjarhring.
Gummi B var kafteinn og framkvæmdi öryggisstefnuna af hörku. Blés í neyðarflautuna strax í upphafi svo öllum krossbrá og enginn þorði að hreyfa sig fyrr en meitluð dagskipun hafði verið lögð fyrir. Sveinn Axel og ég vorum settir á talstöðvarvakt og var mér falið að leiða hópinn, vopnaður talstöðinni. Mér fannst þetta mikill heiður. Hinsvegar fannst mér svo gaman að tala í talstöðina að ég steingleymdi mér auðvitað - og missti allan hópinn fram úr mér eitthvað inn í mistrið.
Þett var auðvitað alvarlegt brot á öryggisstefnunni. - Kafteinninn skammaði mig ekkert. Enda búinn að drekka svolítið af indversku heilsute og varð ekki samur eftir það.

Trúlega fæ ég samt ekki að vera með talstöðina aftur.

Fínn róður. Hörku ræðarar. Þriðjudagspúlið farið að skila sér

flottur róður góð æfing fyrir fatlaða fólið fékk far hjá Lárusi sýðustu 5 km

takk fyrir mig

11 bátar á sjó í dag -
Það var ustankaldi og þíða. Róið var í Engey á smálensi og til baka í pusi. Nokkrir fengu forgjöf á leiðinni heim. Það er tískan í dag.
Þetta var semsé fyrirtaksróður sem tók bara ágætlega í, takk fyrir.

En þessir réru:

Ágúst Ingi
Gísli Friðg
Gummi B
Lárus
Eymi
Gunnar Ingi
Maggi Sig
Sveinn Axel
Hörður
Palli R
Orsi

Ég þakka fyrir félagsskapin. Þetta var bara ágætis róður til endurkomu en \"árarnar hafa legið í bátnum\" allt of lengi. Ég finn það líka á skrokknum að kayakvöðvarnir hafa verið vaktir af værum blundi.

Kveðja,
Guðmundur Axel
\"vonandi ekki eilífðar byrjandi\"

Flottur róður , og gaman að þessum upptökum hjá SAS
þakka Gumma B fyrir dráttin kemst vonandi aðeins lengra sjálfur næst , en ég er í fínu lagi og skemdi ekkert

Maggi endurbyrjandi(:<br><br>Post edited by: maggi, at: 2009/02/08 08:49

Það er fínt að geta séð myndbandastubba úr róðrinum. Nú þarf maður ekki lengur að fara í félagsróður en kíkir bara á myndbandið. Það pusaði yfir dekk bátanna þegar róið var á móti öldunni en það sést einnig vel á þessari upptöku að Whisky-inn heggur talsvert þegar róið er beint á móti. Hann hefur hins vegar marga góða eiginleika, er stöðugur og samt mjög lipur.

Eitthvar ruglast SAS í talningunni (mig fer að gruna að hann sé framsóknarmaður!) því að hann telur átta báta, nefnir síðan sjö félaga og sjálfan sig tvisvar en sleppir Páli Reynissyni sem var umsjónarmaður róðurs í þetta sinn. Páll hélt \&quot;briefing\&quot;, skipaði \&quot;sweepera\&quot; og tveir voru settir á talstöðvavakt, Þórólfur var eðlilega á efnahagsvakt og nokkrir til reiðu með toglínur. Sem sagt meiri hluti hópsins hafinn upp til embætta!

Það lá nærri fyrir viku að setja þyrfti neyðarlög í róðrinum, því að kapteinn Palli (umsjónarmaður róðurs og formaður) lenti á sundi og varð því hópurinn stjórnlaus, eða á floti. Undirritaður kvaddi þá Gumma Breiðdal til bjðrgunarstafa án þess að hafa til þess nokkurt umboð, en allt fór þó vel.

Kveðja, GHF.