Æfing 17. mars.

1. apríl Blöðrur?

Trakkið:
picasaweb.google.com/IngiSig/April09#5320165790765895218

Það var ekki farið á sjó í dag (þriðjudag) eftir bestu heimildum sem ég hef, enda voru nokkur forföll boðuð og veðrið einstaklega óvinsamlegt (varla hægt að rata eftir veginum upp í Skálafell !)
Svenni og Ingi hafa gefið til kynna að þeir vilji róa á miðvikudegi 1. apríl og ég stefni á að mæta einnig.
16:00/ 16:30 eins og verið hefur.
Kv. GHF.

Við skulum stefna á æfingu á þrd. 31. mars ótrauðir þratt fyrir óblítt verður undanfarið. Það verður varla verra næst.
Ég gæti samt verið fjarri - var búinn að lofa dóttursyni ferð í Bláfjöll og það hefur dregist - ekki má bregðast börnunum - en ef veður verður of slæmt fyrir Bláfjöll mæti ég galvaskur.

Kv. GHF.

Þessir kappar eru að ræða um hvernig best er að haga sér í svona lensi eins og við tókum á þriðjudaginn.:

www.seakayakermag.com/forums/ubbthreads....&page=1#Post1476

Þetta var fín æfing i hliðarvindi og hörku öldugangi þar sem báturinn var ekki alltaf að fara akkúrat þangað sem ég vildi fara. Gott innlegg i æfingabankann eins og þeir hafa allir verið þessir þriðjudagsróðrar.
takk fyrir mig. lg

Þetta var fjölbreytt og skemmtileg æfing eins og venjulega. Vindurinn skv. spánni var það mikið vestan við Lundey að við komum ekki almennilega inn í þann streng, en vorum í ýmsum vináttum og mismunandi blöndu af öldulagi. Leiðin lá um Þerneyjarsund og í skjól neðan við Lundakofann í Lundey, síðan var farið undan öldunni að Viðey og til baka í Geldinganes.
Á sjó voru Gísli, Gunnar, Lárus, Ingi og Páll.

Kv. GHF.

Við stefnum á æfingu á morgun þrd. 240309.
Vindakortin sýna NNA um 10 m/s og því væntanlega skemmtilegt lens frá Lundey og jafnvel öldureið eins og verið hefur s.l. tvo þriðjudaga.

Mæting kl 1600 og á sjó kl 1630 frá Geldinganesi.

PS: Æfingin er fyrir vana ræðara.

Kv. GHF.

Þetta fór alveg með hárgreiðsluna. 15-16msek eða rúm sjö gömul vindstig í fangið allaleið frá vesturenda Viðeyjar. Maður þurfti ekkiað salta kvöldmatinn. Finn róður samt og jafnaðist á við 30 km í sléttu.

Það voru sjö félagar í ferðinni - rangsælis um Þerney og Viðey. Gunnar, Hörður, Sveinn, Páll R, Ingi, Lárus og GHF. Skemmtilegt lens undan austanáttinni en puð á heimleiðinni sem fyrr.
Hér eru nokkrar myndir, sumar voru hreyfðar vegna roks, öldu og lítillar birtu og ég henti þeim, þess vegna sjást aðallega 3 félagar.
picasaweb.google.com/gislihf/Fing170309Reykjavik#

Kveðja, GHF.

Ég stefni á að mæta í Geldinganesi kl. 16, á sjó 16:30 á þriðjudag. Veðurspá SA 8 m/s hlýtt og þurrt - en þetta er alltaf nokkuð fljótt að breytast.
Vona að fleiri kappar mæti þá einnig!

Ekki fyrir óvana, bent er á félagsróðra á laugardögum.
(Þessi frasi fer að verða úreltur - það hafa verið hörkuróðrar og ræðarar undanfarið í félagsróðrum, enda verður oft fráhrindandi en senn fer að vora.)

Kv. GHF.