Félagsróður 10. okt

Já þessi grái er Hasle Explorer. Algjör sjóborg og því betri eftir því sem aðstæður versna. Sævar þú ættir að þekkja kosti hans.
Kv.
Ingi

Þetta eru flottar myndir og myndefnið verðugt.
Það er þessi grái bátur sem heillar dálítið- fer greinilega vel í sjó...

En takk fyrir þetta.

Ef öldurnar hefðu breyst í vín hefði maður orðið snarölvaður í róðrinum, svo mikið af sjó fauk upp í mann. Ætli það sé ekki hægt að kaupa e.k. sjógrímur á netinu? Ég veit a.m.k. til þess að til eru snjógrímur til að verjast skafrenningi.

Nokkrar myndir úr róðrinu má sjá hér.

picasaweb.google.com/runar.palmason/FelagsroUr10Oktober2009#

Glöggir kayakmenn munu sjá að Garðar reri á Buchaneer sem eru fremur sjaldséðir nú til dags en þeir voru afar vinsælir hér á landi seint á síðustu öld. Bátinn á Garðar í félagi við Sigurjón föður sinn og mér skildist að þeir ættu jeppann líka saman. Höfðingi er hann Sigurjón.

Rúnar, Garðar, Sigurjón, Sveinn Axel, Páll,Lárus,Eymi og Ingi reru í frísklegum og haustlegum vindi í morgun. Fyrst var farið í Leirvog á móti golunni og síðan lensað undan og síðan farið útfyrir Þerney, Lundey og Viðey. Tvær hnýsur furðuðu sig á þessum skrítnu köllum, en Lalli heyrði ekki hvað þær sögðu en þær voru örugglega að ræða um okkur þarna við Lundeynna þar sem vindurinn fóru eitthvað yfir 8 gömul vindstig á eftir okkur.

Semsagt hressandi og endurnærandi róður í hvítstroknum sjó á Sundunum.

Ingi