Æfing fyrir hjálparsveitina Kjöl

Gott mál að þetta sé komið á dagskrá ... Ég er með.

Þetta er ekki gott fyrir okkur að komast ekki í laugina fyrr en eftir 3 vikur og þá verður þröngt á þingi.

Kjalnesingar hafa sundlaug, Klébergslaug, þeir gætu boðið okkur þangað ef Kjölur beitir áhrifum sínum heima fyrir - þeir eru örugglega miklu öflugri en við í að fá stuðning hjá sínu fólki.

Svo gætum við róið uppeftir við tækifæri.

Kv. GHF.

Þetta gætu orðið tugur til tylft. Hugsanlega mætti skipta hópnum í tvennt. En er ekki alveg hægt að fá þau öll í einu, þ.e. ef nógu margir bjóða sig fram? Maggi, þú segir til, þú ert vanur námskeiðahaldi.

Gott mál, ég er til í að aðstoða.

Þetta er gott frammtak og ég tek þátt í þessu.
það væri sennilega best að byrja á því að halda kynningu með þeim í sportbúðinni til að skoða báta og búnað en það væri hægt að taka þá í laugina 5 des ,
við eigum ekki tíma í lauginni fyrr.
hvað eru þetta margir?
kv Maggi

Þegar Hjálparsveitin Kjölur tók að sér gæslu í Hvammsvíkurmaraþoni í sumar, líkt og flestöll (ef ekki öll) undanfarin ár, óskaði hjálparsveitarkonan Anna Filbert eftir því að klúbburinn myndi í staðinn bjóða upp á kynningu/námskeið fyrir ungliða í sveitinni. Ég taldi það auðsótt mál og lofaði þessu upp í ermina á mér. Anna hringdi nú í vikunni og spurði hvort við gætum kannski riggað upp stuttri kynningu um sportið nú í lok nóvember. Segja frá út á hvað þetta gengur allt saman, segja frá búnaði, fatnaði, öryggismáluml og fleiru. Einnig að við myndum leyfa ungliðunum að setjast í kayak í sundlauginni og prófa félagabjörgun og fleira. Eins og fyrr taldi ég sjálfsagt að verða við þessu, þótt að tímasetningarnar þurfi að sjálfsögðu að ræða.

Nú er sem sagt komið að skuldardögum - hvenær teljið þið hentugt að bjóða upp á svona kynningu? Og hverjir bjóða sig fram? Ég býð mig a.m.k. fram.