Kjölur á réttum kili

Fínar myndir í hvívetna.

Þrátt fyrir óskaplegt kossaflens í aðdraganda þessa viðburðar komust allir heilir frá vettvangi.

En þetta gekk að mér fannst ljómandi vel. Kjalarliðar voru áhugasamir fram í fingurgóma og jafnvel lengra. Umfram allt var þetta skemmtilegt. Ógleymanlegur leiksigur hjá Herði og Lárusi á fórnarlambabátnum víðfræga.

Við þurfum endilega að bjóða þeim aftur þessum hressu krökkum, annaðhvort í laugina eða á sjó.

Ps. Maggi var eitthvað að skamma mig í upphafi. Rak mig upp úr og ég veit ekki hvað.

Anna Filbert þakkar kærlega fyrir æfinguna og segir að bæði krakkar og gamlingjar hafi haft gott af henni. Fleiri myndir er að finna á vef sveitarinnar:

www.bjsvkjolur.is - veljið myndir og 2009

Tæplega tugur ungliða úr Björgunarsveitinni Kili mætti á sérstaka aðventukayakkynningu hjá klúbbnum í gær, laugardaginn 4. desember. Örlygur Steinn Sigurjónsson og Magnús Sigurjónsson (þeir eru ekki bræður þó þeir séu sláandi líkir) stjórnuðu kynningunni af mikilli röggsemi. Ungliðarnir prófuðu allir að steypa bátunum á rangan kjöl og skjóta sér út úr þeim. Þeim var þar að auki gert að sýna þekkingu og skilning á helstu lögmálum félagabjörgunarinnar en fram kom hjá Örlygi að til þess að hún takist vel þurfi björgunarmenn að halda ró sinni sama hvað á gengur, tala af yfirvegun til fórnarlambsins og spyrja það, áður en taki er sleppt á fórnarlambsbátnum, hvort ekki sé örugglega í lagi. Gott er ef horft er djúpt í augunum á þeim þegar þessarar lykilspurningar er spurt.

Að þessu sinni þurfti enginn að fá heitt kakó eða ullarhúfu á höfuð eftir volkið enda ágætur hiti í innilauginni. Ungliðunum gafst þar að auki kostur á að prófa alvöru sjókayaka og fengu tilsögn í róðratækni.

Hugmyndin að kynningunni kviknaði í haust eftir að Kjölur sá um gæslu í Hvammsvíkurmaraþoninu í þúsundasta skipti eða svo. Kayakklúbburinn þakkar ungliðunum í Kili fyrir skemmtilegan dag og við vonumst til að sjá einhver þeirra á sjó innan tíðar.

Hér má sjá myndir af æfingunni:

picasaweb.google.com/runar.palmason/Kjol...v1sRgCNT2t_yZzIzEKA#