Nýr Veltukóngur

Já þær borguðu sig morgunveltuæfingarnar í Reykjanesinu. Til hamingju með titilinn.

Til lykke med rullekongstitelen Lárus

Úrslitin voru eitthvað i þessa áttina:
spretturinn Hilmar, Steini nr 2
kvennaspretturinn Megan Kelly, sú kom með Dan
reipafimin Steini, Gunnar Ingi i 2 sæti ( held ég)
reipafimi kvenna: Dagny frá Akureyri
veltur Lárus, Steini i öðru .

já þetta eru góðar fréttir. Til hamingju með sigurinn. Getur ekki einhver romsað upp úr sér úrslitum að öðru leyti?

Það fer að líða að 10 ára afmæli veltukeppninnar. Var hún ekki haldin 2002 í Hólminum fyrst?

Og síðan líður senn að 30 ára afmæli klúbbsins, á næsta ári. Ég hvet alla til að leggja höfuð í saltan sjó upp á viðburði að gera. Það er engan veginn of snemmt að fara hugsa um þetta.
Mér datt í hug að efna til róðurs frá Rek til Borganess, til minningar um það er sjókayakinn hélt formlega innreið sína til landsins, 1923: Angantýr Guðmundsson og Guðmundur H. Pjetursson fóru frækna för frá Reykjavík til Borgarness á tveggja manna kajak. Ferðin var farin í júní og tók þá félagana 10 klukkustundir.

Takk fyrir það félagar, við Gísli og Gunnar Ingi áttum alveg frábæran túr austur, þarna voru flottir kennarar, Dan Henderson sem er keppnisþjálfari i sprettróðri var með fyrirlestur og námskeið sem var mjög gagnlegt, róðurinn var tekin upp á myndavél og svo skoðað og spáð heima i húsi, fullt að atriðum sem maður þarf að vinna með, ég náði ekki að vera á seinna námskeiðinu hjá honum þar sem mér fannst ekki forsvaranlegt að taka ekki veltur með Dubside sem er var mjög skemmtilegt, hann var líka með fyrirlestur um grænlenskar veltur ofl sem var alveg frábær. Hann sýndi listir sínar á reipum og okkar maður Gunnar Ingi átti stórleik og sýndi góða takta á böndunum sem voru aðeins erfiðari en þau líta út i þegar Dubside er að. Fyrir mig sem hef ekki farið á Eirík rauða þá var þetta alveg ökuferðarinnar virði, aðstaðan og allt viðmót austanmanna er til fyrirmyndar og þarna kynntist maður fullt af skemmtilegu fólki.
kv. lg

Við félgarnir úr æfingahópnum hér erum auðvitað montnir af því að einn "óbreyttur" nái þessum árangri, því síðast var það Maggi en hann hefur þó þá sérstöðu að hafa verið kennari lengi í listinni.

Nú bíðum við eftir því að læra eitthvað nýtt af ykkur austurförum í veltu- og róðrartækni næsta misserið.

Kv. GHF.

Lárus hélt uppi heiðri okkar sunnanmanna og landaði veltukóngs titlinum