Æfingaróður þrd. 8. feb. 2011.

Það er erfitt að nota dagatalið við að áætla sjóróðra þessar vikurnar. Eilíf bræla og hafalda utan skamma stund einhvern tíma dags. En það brá heldur til hins betra í gær þ. 7.feb.. Ég réri til fiskveiða frá Bakkavör á Seltjarnarnesi uppúr hádegi og um 3 sjómílur vestur af Gróttu. Logn var og hæg undiralda inn Flóann. Hitastig sjávar var 0 °C frá Bakkavör og útfyrir Kerlingasker-þá snarhækkaði sjávarhitinn uppí 1°C og hélst svo. Lofthiti var -6°C . Afrakstur sjóferðar var með ágætum eftir 5 klst róður.
Nú þarf að æfa kayakróðra þegar fer að hlýna til sjávar....

Ég kíkti í Geldinganesið nú um kl. 17:30 og það var illa stætt þar, ég held ekki undir 30 m/s. Vindurinn var svo sveipóttur að nær ómögulegt var að taka mynd, nema að standa bak við gámahornið í skjóli. Öll víkin austan við eiðið var moldarbrún.
Hefði einhver misst bát við sjósetningu austan við eiðið hefði báturinn líklega fokið yfir veginn og í sjóinn vestan við eiðið.

Þetta lítur hins vegar vel út á morgun.

Kv. GHF.

Æfing skv. venju fyrir sjálfbjarga ræðara kl 17 á sjó.

Æ,æ,æ - hvers vegna er maður að koma sér út í þetta?
Hafið þið skoðað veðurspána?

Ég hef allavega orkubita með mér og 2ja lítra kókflösku fram í til að halda stefninu niðri!

Kv. GHF.