Félagsróður 26/2

Setti saman smá video frá róðrinum, með tónum frá ættlandi konunnar.
Þorbergur

Þéttur hópur mætti í Geldingarnesið í gærmorgun. Eymi, Erna, Páll R, Þorbergur, Egill, Gunnar Ingi, SAS, Gísli HF og undirritaður. Einnig mættu Maggi og Hörður en þeir tóku sér styttri túr vestur að Fjósaklettum. Vindur blés um 7m að suðvestan og var tekin ákvörðun um að fara hefðbundin Viðeyjarhring norðurfyrir. Eymi skipaður leader, Gunnar Ingi striker og SAS sweeper og svo róið af stað. Þegar komið var að Pólskubryggju á vestanverðu Geldinarnes var farið að blása nokkuð þéttar með skafrenningi og var stefnan tekin á Eyðið þar sem átti að endurmeta aðstæður. Allir voru ákveðir í því að halda plani og fara norðurfyrir þrátt fyrir nokkuð kröftuga öldu. Allt gekk þetta eins og í lygasögu og var frá mínum bæjardyrum séð með því mesta ölduróti sem ég hef róið í á mínu eina á hálfa ári sem ég hef róið með þessum frábæra klúbbi. Tekið var kaffi á sama stað og nokkuð sterk hefð hefur skapast fyrir eða við húsið góða á vestanverði Viðeynni. Á heimleið var stoppað við Fjósakletta þar sem ofurhuginn Eymi renndi sér snilldarlega gegnum klettaskoru á hárréttum tímapunkti, eitthvað sem aðrir þorðu ekki að leika eftir. Sérstaklega á einn ónefndur stjörnuræðari eftir að láta það plaga sig að hafa ekki farið, enda sást á honum langar leiðir hvað honum langaði hrikalega að leika þetta eftir.
Hreint út sagt frábær róður.
Össur I

Við Hörður tókum sér róður í morgun .
picasaweb.google.com/maggisig06/20110226...1sRgCPjZgpv4q9j1kwE#