Ferðaplan sumarsins - Erfiðleikstig

Þetta æfingatæki hennar Þóru er álitlegt til heimabrúks. Sennilega er hægt að útbúa sjálfan kayakinn svona heima í bílskúr það eru viðnámin í árina sem málið snýst um. Síðan er hægt að taka klukkutíma róður við misjafnt álag svona eins og á þrekhjóli. Þeir þarna á myndbandinu eru með góða líkamsbeytingu við æfingarnar-bolsnúningur. Síðan fer maður á sjó þrekmikill og með gott áralag og tekst á við sjálfa náttúruna.... Gef þessu stig 4 á kayakskala.

Myndbandið hans Örlygs gæti nýst til að æfa lappirnar við að komast úr bátnum- sem er líka gott.

Mér líst vel á þessa róðrarvél sem Þóra bendir á.

Ekki að slík tæki komi í stað róðra, en það væri fínt að hafa slík tæki í ræktinni þegar maður tekur hringinn þar, eða bara heima í stofu.

Það mundi hins vegar kosta stórfé ef líkja ætti eftir stinningskalda og krappri vindöldu eins og við vorum í áðan NV við Viðey. Þar á móti er ferð á sjóinn alveg ókeypis!

Það er gott að búa á Íslandi.

Kv. GHF.

..og þetta..

Er þetta ekki málið?

Sammála

Farinn í ræktina

Já það er vandasamt að meta kayakferðir til erfiðleikastigs. Það eina sem hægt er að gera með vissu er að meta róðrarvegalengd milli hvíldarstaða og þekktra strauma á leiðinni. Annað er háð veðri og sjólagi. Þar er veðurspá skömmu fyrir ferð mikilvægust og hvernig hún getur haft og hversu mikil áhrif.
Ferð getur auðveldlega breyst úr erfiðleikastigi #1 yfir í erfiðleikastig #4 .Ferðafélögin eru með svona erfiðleikamat ferða. Þá er það miðað við landslag ,dagleiðir og farangur sem borin er. Og þá eru táknin einn -fjórir skór-eftir erfiðleikastigi.
Veðuráhrif eru lítill þáttur þessara stiga-enda alltaf hægt að stopp og hvíla sig. Á sjó eru veður og sjólagsáhrifin mesti þunginn og óvissuþátturinn.
Það er því mikilvægast að kayakræðarar sem fara í langferðir (einn dagur eða meir) geti tekist á við öll stig þeirra erfiðleika sem geta komið uppá í ferð. Sjálfur minnist ég "laufléttrar ferðar" á Þingvallavatn -dagspart.Það hvessti skyndilega með hnúkaþey. Það var mjög stutt í örmögnun þegar landi var loks náð.
Niðurstaða: Kayakræðarar haldi sig í öflugri þrekþjálfun...

Langar að byrja á að þakka fyrir þetta annars frábæra ferðaplan. Glæsilegt að fá þetta svona snemma í dagsljósið. Vona að ég geti skipulagt mig þannig að ég komist í þær allar, þó það sé frekar ólíklegt en það verður að koma í ljós.

Langar aðeins að koma inná erfleikastigin. Komst því miður ekki í margar ferðir í fyrrasumar og hef þetta því ekki alveg beint frá bónda eins og sagt er, en allavega.

Hringróðurinn um Hestvatn:
Var samkvæmt erfileikastigi ein ár. Þegar upp var staðið var sá róður trúlega eilítið meira en það, tvær? Þar var vindurinn að verki, enda hann það eina sem ræður erfileikastiginu á því svæði.

Suður með sjó:
Miðað við myndirnar og það sem ég las á korkinum um þann róður, bjarganir, tvídrætti, veltur á dráttarbát ofl. var sá róður sennilega einnig ekki samkvæmt plani. Var flokkaður með erfileikastuðli sem tvær árar. Sá róður var sennilega eitthvað nærri þremur eða hvað?

Það er því margt sem getur haft áhrif á hve erfið ferðin verður svo þegar upp er staðið og þurfa ræðarar því trúlega að vera viðbúnir því að ferðar geti auðveldlega hoppað á milli erfileikaflokka, trúlega í báða áttir.

Hlakka til sumarsins
Kv Össur I

Takk fyrir þetta. Bara aðeins að gára hafflötin og fá smálíf í galskapinn.

Nú er búið að birta ferðaáætlun kayakferða sumarsins. Margt gott er í boði. Og kynning ferðanna tekur breytingum . Áður fyrr lögðum við áherslu á ævintýraheim hinna ýmsu staða. Nú er áherslan á erfiðleikastig ferðanna. Svona breytist menningin. Ég óska kayakmönnum og konum góðs ferðasumars. Nú eru það hin ýmsu stöðuvötn sem heilla þegar fagurt er á fjöllum og árin bara ein sem róðurinn krefst.

kveðja.