Félagsróður 19.mars

Takk fyrir þessa ábendingu Sævar.

Það rifjast upp fyrir mér þegar ég horfi á myndina að ég hef mætt þessum fugli í vetrarróðrum og ekki þekkt hann - en nú veit ég að þetta er sami fuglinn og teistan sem ég þekki í svarta sumarbúningnum og tel vera góðan kunningja minn, gæfan og vinalegan - eins og ég þekki hann úr Vestmannaeyjum og undir Látrabjargi.

Já - Örlygur, það var þegar aldan brotnaði við Dyrhólaósinn og "gleypti" mig svolitla stund. Þegar ég kom upp á ný var ég kominn í hvarf bak við Arnardrang frá því sjónarhorni sem ferðamenn hafa í Dyrhólaey. Þess vegna afi ekki bara í kafi, hann kom ekkert upp aftur og ekki báturinn heldur.

Kv. GHF.

Fuglinn á myndinni hjá Þorbergi er teista og er í vetrarbúningi. Á sumrin verður svarti liturinn ríkjandi . Skemmtilegur og gæfur fugl, teistan

Við þessa upptalningu mætti bæta alkafara, sem á sér fáa jafnoka hér á landi, en þar er auðvitað átt við afa kafara þá er kafaði Gísli félagi vor af einstöku listfengi í krefjandi brimlendingu í Mýrdalnum svo frægt er orðið - enda rataði fleyg setning dóttursonarins "Afi í kafi" beint í Moggann. Ekki lýgur hann þar sem bleki rjóðuðum fjaðurstaf veldur sjálfur formaðr keppnisnefndar og gullverðlaunahafi úr erfiðasta Hvammsvíkurmaraþoni Íslandssögunnar. Þetta eru engar ýkjur, frekar tónað niður ef eitthvað er.

Takk Þorbergur, það var gaman að sjá þessa hópveltu okkar. Þetta myndband er ljúf samsetning og snjöll hugmynd, sem mætti vinna áfram. Það væri gaman að skoða betur fallegar uppstillingar fyrir hópveltur og ná góðum myndræmum af því.

Þeir andarungar sem við sjáum oftast eru stokkandarungar en sú önd er hálfkafari eins og við kayakmenn. Æðarfuglinn er hins vegar mikill kafari en óðinshaninn, sem mér sýnist vera þarna á myndinni, er aldrei lengi í kafi.

Kv. GHF.

Hér er eitt lítið myndbrot af leikfimiæfingum ræðara!!

10 bátar á sjó í morgun í fallegu vetrarveðri. Róinn var hefðbundinn Viðeyjarhringur. Einn ræðari hann Ragnar að fara sinn fyrsta róður og stóð sig með prýði, skellti sér meira að segja í eina fyrirfram ákveðna félagabjörgun í kuldanum. Já og ekki var kuldinn að stoppa liðið í veltunum, hlakka til að sjá myndir af hópveltunni.
Þeir sem réru í morgun voru Lárus, Sveinn Axel, Guðmundur B, Gunnar Ingi, Gísli, Egill, Þorbergur, Ragnar, Páll og Þóra