Halló allir
Við virðumst hafa unnið áfangasigur í baráttunni um jökulsárnar. Samkvæmt þessari frétt hefur verið fallið frá því að setja virkjuninna á aðalskipulag, en mér finnst þetta samt eitthvað loðið. En hér er fréttin.
\"Á fundi sveitarstjórnar í Sveitarfélaginu Skagafirði sem fram fór í dag 12. april var samþykkt að í tillögu að aðalskipulagi fyrir Sveitarfélagið Skagafjörð, sem nú er unnið að, verði frestað skipulagningu þeirra svæða sem ætluð hafa verið fyrir Skatastaða- og Villinganesvirkjanir.
Fyrir fundinum lá tillaga frá sveitarstjórnarfulltrúum VG og Sjálfstæðisflokks, þess efnis til að flýta fyrir samþykkt aðalskipulags fyrir Skagafjörð verði horfið frá þeirri ætlan að hafa Villinganesvirkjun inni á tillögu að aðalskipulagi fyrir sveitarfélagið og að skipulagi á svæðum sem tengjast hugmyndum um virkjun við Skatastaði verði frestað.
Fulltrúar Framsóknarflokks og Samfylkingar sem mynda meirihluta í sveitarstjórn lögðu fram breytingartillögu þess efnis að skipulagningu þeirra svæða sem ætluð hafa verið fyrir Skatastaða- og Villinganesvirkjanir, verði frestað og var sú tillaga samþykkt með átta atkvæðum, en Bjarni Jónsson, fulltrúi VG sat hjá.
Tillagan sem samþykkt var hljóðar svo í heild:
“Sveitarstjórn samþykkir að í tillögu að aðalskipulagi fyrir Sveitarfélagið Skagafjörð, sem nú er unnið að, verði frestað skipulagningu þeirra svæða sem ætluð hafa verið fyrir Skatastaða- og Villinganesvirkjanir sbr. heimildarákv. í 20. gr. Skipulags og byggingarlaga nr. 73/1997.”
þessi frétt er inná skagafjordur.is
kv JökulþjóðGarðar
á sveitastjórnini þarna fyrir norðan 
