Er áhugi fyrir Sandvík um helginna?

Fid. 15.09.'11 að kvöldi.

Þetta var farið að verða grunsamlegt, Páll R vildi ekki fara, Palli formaður hætti við og Eymi sem var að leggja af stað hringdi og spurði "hvernig líst þér á þetta?" Ég sá skilti vegagerðarinnar utan við borgina "Þrengsli 8 ". Voru þetta kannske ekki m/s heldur gömlu vindstigin? Það var slagviðri við Sandskeið og þoka og rok ofan við Litlu kaffistofuna.
Ég losnaði úr vinnu 16:15 vestur við HÍ, komst af stað úr bænum 17:15 og á sjó 18:15. Það var bara fínt veður við sandinn, um 6-8 m/s af SA og aldan var lítil við grjótgarðinn en stærri nær Hafinu Bláa. Sjórinn var einkennilega sléttur í víkinni við garðinn og það var lýsislykt af honum þar!

Við Eymi vorum að þvælast á sjó í klukkustund, tókum veltur "undir" öldur sem ætluðu að velta okkur hvort eð var o.fl. Eitt sinn endaði brun með brattri veltu hjá mér um 30 m frá fjöru og ekki tókst að velta upp - á hvorugan veginn vegna straumláta undir. Sem ég svamlaði við bát minn kom Eymi og bauðst til að bjarga mér af alkunnri greiðasemi sinni. Þegar ég reyndi að grípa í stefni hans seig ég niður í dal og snerti botn um leið og stefni hans reis um 2 m fyrir ofan mig. Við hættum þessar hættulegu björgun og ég hélt í stefnið á bát mínum sem dró mig að landi í rykkjum, um leið og öldurnar fóru yfir. Það er mikilvægt að halda sér ekki í skut, þá fyllist mannopið og báturinn fylgir þá öldunni á hennar hraða og skilur mann eftir eða fer illa með fingurna.

Sem sagt, góð og skemmtileg æfing eins og oftast nær.

Ég er þó haltur á öðrum fæti af einhverjum óskiljanlegum ástæðum eftir þessa gönguferð á botninum.

Það má alveg spá í að fara aftur á morgun eða næstu daga
- en það þarf að skoða ölduspána, gæti orðið óviðráðanlegt.

Kv. Gísli H. F.

Forsendur hafa breyst hjá mér til hins verra og nú sýnist mér ég ekki hafa það af að komast eftir vinnu í dag.

Er hins vegar laus eftir vinnu á morgun, jafnvel í fyrra fallinu. Hef þó ekki kíkt á veðurspá/ölduspá ennþá.

Það líst mér vel á Palli-formaður.

Ég er bundinn til kl. 16:30 þannig að ég ætti að geta verið kominn í Þorlákshöfn kl. 18 eða fyrr.
Skilyrði virðast vera svipuð en þó heldur hagstæðara fyrir okkur þar en í Sandvík. Aldan kemur úr SV og beygir svo inn norður fyrir varnargarðinn þannig að þetta ætti að vera eitthvað minna en þau 5,5 fet sem spáð er á Magicseaweed.
Flóð er kl. 19:30.

Kveðja,
Gísli H. F. (gsm 822 0536)

Ég kemst eftir vinnu á morgun, fimmtudag ...

Er einhver til í að fara í Sandvík eða Þorlákshöfn til æfinga í dag og/eða næstu daga?

Margir eru á leiðinni á Reykjaneshitting en þó ekki allir. Ég hef aðeins tíma eftir vinnu þannig að taka mætti góða klst. í öldunni fyrir kvöldmat í dag eða fid. og föd. og svo kæmi laugardagur síðdegis einnig til greina.
Á sunnudag ætla ég að slaka á fyrir BCU.

Tvær æfingar eru betri en ein!

Kv. Gísli H. F.

það er smuga að gera þetta á miðvikudaginn kemur í Þorlákshöfn það er spáð 4ft öldu eða 1m ef menn geta mætt kl 17 þar væri hægt að taka fína æfingun .
Ég er alveg bókaður þessa helgi og líka með flensu þannig að ég fæ ekkert að sulla í bili .

kv Maggi

Ég gæti farið á morgun sunnudag og myndi þiggja far ef einhver er með laust pláss fyrir einn bát.

Er sömuleiðis alveg úr leik um helgina.

Væri til í að hætta snemma í vinnu í vikunni hins vegar þegar aðstæður eru efnilegar. Ekki veitir mér af að æfa mig aðeins í surfinu. Var bankaður hraustlega í síðasta assessmenti í Sandvík

Ég er alveg upptekinn á morgun laugardag og svo einnig á mánudag og þriðjudag vegna vinnu+ skyndihj.

Hins vegar vantar mig eina brimæfingu í viðbót fyrir næsta BCU.
Hanga í og innan við brotin, láta sig velta og sjá hvernig gengur að koma upp á réttum kili á hvora hliðina sem er. Það er það sem þarf til að geta verið afslappaður við slíkar aðstæður.

Menn verða bara að nota þá tíma sem gefast - það er ekki um marga daga að ræða.

Kv. GHF.

Samkvæmt ölduspá þá er sandvík alveg dauð á morgun en þorlákshöfn er flott í fyrramálið. Þá er bara spurning hverjir hafa áhuga á þessu?

Hef áhuga en kemst eingöngu á laugardaginn. Hvernig væri að þeir sem hefðu áhuga tækju félagsróðurinn þar. Segja mæting í Sandvík um 10:30
Hvernig leggst það i menn?

Er áhugi fyrir Sandvík um helginna?