Bókaútgáfan

Jólagjafalistinn í ár er óvenju snemma á ferðinni

Náði mér í eintak hjá GogG. Bókin lítur firnavel út, flottar ljósmyndir og mikið af skýringamyndum. Maður er hreinlega að drepast úr spenningi eftir því að geta hafið lesturinn. Frábært framtak hjá Örlygi.

Glæsilegt framtak þarna á ferð hjá Örlygi.
Til hamingju með þetta Örlygur og allir kayakiðkendur.
Þessi á heima á heiðursstað í bókahillunni minni.
(fer reyndar fyrst á náttborðið)

Kv ÖI

Já, þessi bók er hvalreki fyrir okkur. Ekki samt eins illa lyktandi

Já, það má sannarlega þakka Örlygi þessa vinnu - ekki síst þar sem þetta er algerlega hans framtak og allt hans framlag er sjálfboðavinna !

Varðandi nafnið á klúbbnum þá er þetta ótrúlega útbreiddur misskilningur. Margir af okkar mætustu félagsmönnum eru alls ekki Reykvíkingar og vilja ekkert sérstaklega láta bendla sig við það ágæta sveitarfélag.

Ég var svo snöggur í GG Sjósport í gær til að verða mér út um eintak að bókakassinn var rétt dottinn inn á á afgreiðsluborðið. Svo tók ég til við lesturinn og er kominn í miðja bók. Þetta er vel skrifuð bók, fræðandi, góð og spennandi lesning og ef ekki hefði verið krefjandi dagur framundan í vinnu hefði ég lokið við hana eins og krimma.
Hafi Örlygur félagi okkar þökk fyrir vandaða vinnu.

Viðtalið í Morgunblaðinu í dag er skemmtilega sett upp og grípur augað í stíl við aðrar greinar um útivist og hreyfingu. Það má segja að við fáum góða kynningu þessa dagana, þökk sé BCU, Þóru og Örlygi.
Trúlega eru það svo bara við sem tökum eftir því að blaðamaður er búinn að breyta nafni klúbbsins okkar og kallar Kayakklúbbinn "Kajakklúbbinn í Reykjavík".
Það á að sjálfsögðu ekki að gerast óleiðrétt nema stjórnin hafi breytt nafninu að undangenginni lýræðislegri umræðu.

Að lokum: Er ekki við hæfi þegar líður nær bókajólum að fram komi hefðbundinn ritdómur um bókina?

Flott framtak hjá þér Örlygur.
Nú er manni ekki til setunnar boðið, bara að skunda af stað og rífa upp veskið

Hvernig er það, verður ekki höfundur Sjókajaka á Íslandi með bókakynningu einhvern daginn þar sem hann mun jafnframt árita bókina?