Róður í dag fyrir lengrakomna.

Flottur róður í kvöld, ekki má gleyma því að Össi og Egill voru með okkur en snéru við á miðri leið vegna anna í heimilishaldinu En vitanlega væri gaman að sjá fleiri koma í þessa róðra.

Vindmælir á Geldinganesi sló upp í 10-15 m/s enda var barningur fyrir Veltuvíkurnefið. Þegar kom norður úr Þerneyjarsundi æstist leikurinn og trefjakeiparnir stóðu nánast kyrrir í um 10 mínútur og þá segir reynslan mér að vindur sé um 20 m/s.

Lensið í stefnu á Vesturey Viðeyjar og suður fyrir Geldinganes var að sjálfsögðu skemmtilegt og um tíma stefndi ég á græna leiftrið á vitanum ofan á Perlunni. Þar vissi ég að gömlu bekkjarfélagar mínir voru að troða í sig kaffi og kökum og rifja upp gamla daga - en ég var mjög sáttur að vera þarna með "gamlingjunum" lárusi og Guðna Páli. Það verður eitthvað sem ég get rifjað upp þegar ég verð eldri.

Kveðja,
Gísli H. F.

Mér virðist bara vera gott veður hjá þessum köppum enda þótt sjólagið sé krefjandi.

Það má hins vegar segja að það sé "hurricane" í Djúpinu núna og lognið verður á mikilli hreyfingu hér við Sundin bláu síðdegis.

Mæting 16:45, Brottför 17:15.

www.youtube.com/user/contactjones79?feat...ex#p/u/0/Hl9ydal8OWA

Smá upphitun.