Sundlaugaræfing

Ánægður með þetta innlegg Gísli, þetta má oftar gera!

Þær eru venjulega stuttar tilkynningarnar frá sundlauganefnd og ætla ég að bæta úr því með frásögn af því hvað var að gerast á þessari æfingu.

Smári og fleiri voru að dunda sér við veltur eins og venjulega.

Ég var að æfa mig í að fara inn í bátinn á hvolfi, setja svuntuna á í kafi og velta síðan upp. Þóra, Ingi, Guðni Páll og Hörður þurftu endilega að herma þetta eftir mér! Þetta er náttúrulega mjög hentugt á sjó í leiðinda veðri, því að það er skjól í kafi og bátinn fyllir ekki meðan verið er að loka svuntunni.

Maggi var að æfa nokkra í björgun félaga í öngviti. Það er auðvitað fínt en fyrir mig persónulega væri meira öryggi í því ef félagar væru búnir að æfa björgun sofandi ræðara. Ég hef nefnilega aldei misst meðvitund á minni tiltölulega löngu ævi, nema þegar einum svæfingalækni tókst að ná mér niður með einhverju gasi. Aftur á móti hef ég sofnað a.m.k. tvisvar í miðjum róðri og var þá einn, en vaknaði sem betur fór um leið og ég var að velta.

Aðrir lágu lengst af á hliðinni í lauginni eins og letihaugar.

Lárus var að æfa einhverja veltu sem ég skil ekki, þá byrjar hann með árina á bakinu og kemur upp með hana á maganum.

Loks má telja þá sem voru lengst af í heita pottinum til að ræða ástand og horfur í heimi kayaksins.

Sem sagt eitthvað fyrir alla!

Það er æfing í lauginni í dag mæting kl 1600

Sundlaugarnefnd