Viðtali í Mbl. við Guðna Pál

Takk fyrir það Gísli, ég vona að ég hafi verið klúbbnum og sjálfum mér til sóma. En held að það hefði verið hægt að tala við hver sem er úr þessum hópi sennilega komið það sama út. En já ég reyndi að koma því á framfæri það að öryggið væri NR 1 hjá okkur en samt væri þetta mjög spennandi sport. En við þekkjum það allir að það er oft ansi ógnvekjandi að sjá ölduna brotna yfir sig.

En í sambandi við þessa yfirlýsingu um hringróðurinn minn þá hefur það ekki verið neitt leyndarmál og flestir sem þekkja mig vita að ég hef hugsað um þetta í nokkurn tíma og ætla að láta að þessu verða sumari 2013 af hverju þá? Jú ég var búin að hugsa hvort ég ætti að kýla á þetta í sumar en tók svo ákvörðun að réttast væri að ná mér í meiri reynslu í sumar og næsta vetur og taka síðan þetta verkefni. Ég held að það sé mjög mikilvægt að vera vel undirbúinn í þessa ferð og reynslu mikill einnig þarf góða aðstoð við undirbúning og ég veit að e´g fæ hann hjá þér og öðrum félögum mínum. Og með þessari yfirlýsingu þá set ég pressu á mig og vonandi fæ ég góð fyrirtæki til að aðstoða mig við þetta. Gaman væri að kvikmynda þetta og gera kannski góða ferðasögu.

Guðni Páll
Vonandi Hringfari NR 2

það er skemmtilegt að sjá viðtalið við Guðna Pál Morgunbalðinu í dag 13.3.2012.

Þetta er viðtal við einstakling en ekki klúbb og sá vinkill höfðar til lesenda. Áherslan mótast eðlilega af blaðamanni sem þekkir ekki til og ætla mætti að við værum alltaf ríðandi á ölduföldum við strendur landsins. Ég er þó ánægður með útkomuna, sérstaklega það að um leið og þetta er gert spennandi er frásögnin allan tímann römmuð inn af varkárni og minnt á öryggið. Það sem getur annars komið fyrir er að ungir menn sem sækja í spennu og lesa um sportið verði fljótir til að redda sér græjum og endi í ofkælingu á sjó eða limlestingum við kletta.

Í hreinskilni sagt verð ég alltaf hræddur við öldur sem ætla að brotna yfir mig eða rífa mig aftur á bak og legg gjarna á flótta, en þegar ég er kominn á hvolf verð ég sem betur fer oftast afslappaður.

Annað sem ég hef afar gaman að er auðvitað það að nú er Guðni Páll búinn að gefa út stóra yfirlýsingu opinberlega, hringróður 2013 og þar með annar Íslendingur til þess.

Ég vil bara benda á að enn er hægt að skjóta honum ref fyrir rass!

Kveðja,
Gísli H. F.