Suðurnesjaróður 16. júní 2012

jamm....... við Kolla mætum .......lg

Ég ætla að mæta!

Ég mæti.

kv. Egill

Ég held áfram eintali mínu hér á Korkinum:
Nú virðist vera komin ný merking í orðasambandið "allir, sem vettlingi geta valdið" og samsetta orðið "vettlingatök" ef marka má umræður straumkayakfélaga hér á vefnum en ég var að velta því fyrir mér hvort ég ætti að hvetja alla sem "vettlingi geta valdið" til að koma í Suðurnesjaróðurinn. Ég held þó ekki, því að ekki ber að flana að neinu, heldur setja öryggið á oddinn. Ferðin er skráð með "tveggja ára" erfiðleikastig.

Staðreyndin er þó sú að það þarf að aflýsa ferðinni ef fleiri láta ekki "hendur standa fram úr ermum" og lýsa yfir þátttöku. Enn sem komið er hefur aðeins einn ræðari látið vita af sér og tveggja manna hópur uppfyllir ekki öryggiskröfur klúbbsins fyrir slíkar ferðir.

Kv. GHF.

Ég var spurður að því um daginn hvort þetta með flautuna væri nauðsynlegt, viðkomandi væri ekki með flautu í vestinu. Ég taldi það ekki mundu vera vandamál, enda er haft vakandi auga með öllum í slíkri ferð.
Það er hins vegar rétt að útskýra til hvers slík flauta er. Ef ræðari lendir á hvolfi og er svo óheppinn að súpa sjó þá getur verið að hann komi ekki upp nokkru hljóði í langa stund, þar til hann hefur náð að hósta öllu upp. Flautan er þá gott tæki til að gera vart við sig, einnig ef röddin er ekki jafn skær og hjá Lilju minni þegar hún skrækti við Brattastraum um leið og hún valt þar síðasta sumar svo að heyra mátti alveg út í Flatey
Knattspyrnuflauta með kúlu í virkar ekki í vatni. Ég spurði eftir svona flautu nýlega í GG sjósporti en þeir áttu hana ekki til, aðeins ný björgunarvesti með flautu.

Næsta ferð í sumardagskrá Kayakklúbbsins er áætluð þann 16. Júní á Suðurnesjum. Mæting er í Höfnum við bryggju kl. 9:45 og við verðum þá komin á sjó kl. 10:30. Rétt er að áætla klukkustund til aksturs frá Reykjavík. Beygt er til vinstri (suðurs) áður en komið er fram hjá blokkunum á varnarliðssvæðinu.

Róið verður fyrir Sandvík að virkjun og til baka. Vegalengd er 20 - 30 km . Af því sem ráða má af kortum Veðurstofu og Siglingastofnunar verður stillt veður og NV alda innan við meters há - en spáin nær þó aðeins til föstudags þegar þetta er ritað.

Þessi ferð er ekki fyrir byrjendur og allur búnaður þarf að vera í lagi, bátur með lokaðri fram og afturlest, dekklínum og handgripum fremst og aftast, svunta, björgunarvesti með flautu, hlífðarföt sem gera það notalegt að svamla í sjó.

Gott er að láta vita af sér hér, en einnig má senda póst til mín í gislihf@simnet.is Til að ræða sérstakar spurningar má hringja í mig í 822 0536.

Suðurnesin koma alltaf á óvart og eru heillandi svæði, en mikinn hluta ársins er illfært til róðurs á þessum slóðum, þannig að nú er tækifærið !