Félagsróður 12.07.2012

Þakka góðan róður sömuleiðis.

kv
Sigurjon

15 manns mættu á Eyðið í kvöld í þessu líka blíðskapar veðri sem maður er farinn að taka sem sjálfgefnum hlut. Ákveðið var að róa hefðbundið og þá er ekkert í stöðunni nema suður með Viðeynni og kaffistopp í skála. Rætt um hvort hringa ætti Viðey, ráðstefna tekin með öryggisfulltrúum klúbbsins og niðurstaðan ráðsins að ekki væru nægjanlega margir vanir móti óvönum og því ekkert í boðien að halda sömu leið til baka. Við gámana okkar (Daníel gaf sig fram og ætlar að finna nafn á aðstöðuna) tókum við æfingar, félagabjarganir ofl. Um tíma voru jafn margir í sjónum og í bátum. Flott æfing í lok skemmtilegs róðurs með góðum félögum. Eitt leiðinda óhapp varð við æfingar þar sem ein Cannon myndavél lenti í sjóinn og sökk til botns. Þetta gerðist ca. Þar sem myndin sýnir. Það væri því vel til fundið ef verið er að fara til sjós á fjöru að horfa eftir græjunni, hver veit?
Takk fyrir flottan róður Össur

PS. einhver ónefnd hjón sáust við æfingar í fjörunni þegar við komum til baka, nefnum engin nöfn en fyrstu stafir í nöfnum þeirra eru auðvitað Lárus og Kolla. Greinilegt að eitthvað hefur spurst út að jafnvel standi til að hafa einhverskonar tækni keppni með lækkandi sólu