Tungufljóts kappróðurinn 2012

klúbbsurfski báturinn er mikið notaður á Nýja sjálandi í slíkum keppnum. Svona keppnir eru mjög víða og það eru margir surfski ræðarar sem eru líka í þessu.

Talandi um V-laga botna. Þá eru einmitt wild water racing bátarnir með V-laga botna og sérlega valtir.
Hérna er smá video til að átta sig á þessu, composite bátar, væng ára og allar græjur

Þessi hugmynd kom upp í keppnisnefnd hér í denn, en ekkert varð af því þá, eins hvatti maður oft sjóbátamenn til að mæta í Hvítárferðina með sjókayak. Minn fyrsti straumkayak? var 4,6m langur og með V-laga botni, það var reyndar mikil framför að komast á þann næsta sem var aðeins 4m langur með flötum botni.

Hugmyndin er góð.

Ég var s.s. ekki með neitt sérstakt í huga nema að stinga upp á keppni þar sem þessir tveir heimar straums og sjós gætu mæst. Gæti verið skemmtilegt. Ég sé fyrir mér að straumkayakræðararnir stæðu vel að vígi í flúðunum og straumskilunum, en sjókayakræðararnir myndu vinna á flötuköflunum. Þannig að þetta gæti verið spennandi keppni.

En það er varla mikið mál að róa sjókayökum niður Hvítá. Held meira að segja að það hafi verið gert. Ef menn eru að róa í brimi og sterkum röstum þá geta þeir róið Hvítá... spurning hinsvegar hvort það væri stemming að kíkja í Faxa á eftir

Það mætti alveg prófa t.d. að fara á Romany eða öðrum liprum sjókæjak niður þessa leið, en ég er þó hræddum um að ef útaf ber þá ráðist ekki mikið við að stjórna svo löngum og stefnuföstum kæjökum í straumi og lognpollum eða að þeir gætu hreinlega stungist á endann. Ert þú ekki að tala um það sem Bretinn kallar "Wild water racing"?
Til þess skilst mér að helst séu notaðir bátar af millilengd 3-4 m, lengri en venjulegir straumkæjakar, enda eru þeir afar hægfara. Hins vegar virðast þetta geta verið bæði litlir kanóar (C1) og kæjakar (K1) og svo einnig tveggja manna C2 og K2. Hér er ein vefsíða um þessa grein www.wildwater.org.uk - við eigum hins vegar enga slíka báta svo að ég viti til.

Hins vegar þætti mér áhugavert að fara þessa leið á mínum tveggja manna kanó ef einhver þorir með mér, ég er nokkuð viss um að tveir röskir ræðarar á honum yrðu á undan flestum straumbátunum. Það er reyndar nokkur hætta að velta kanónum á straumskilum fyrir lítt þjálfaða ræðara og talsverð vinna að bjarga honum og þyrfti öryggisfylgd með.

Kv. GHF.

Hvernig væri að hafa kappróður frá Brúarhlöðum niður á Drumbó. Gæti verið mega töff mót fyrir sjó- og straumræðara, allir á sjókayökum.

Það voru ekki nema sjö keppendur sem mættu til leiks í gær, sex í karlaflokki og einn í kvennaflokki.Keppnin var skemmtileg og veðrið frábært, logn og sól.

Fyrirkomulagið var með sama sniði og hefur verið undanfarin ár. Þrír til fjórir keppendur ræstir samtímis og tveir fyrstu úr hverjum riðli komust áfram. Til að gera keppnina ennþá meira spennandi þurfa keppendur að ná einu eddy-i og þar breytist staðan iðulega.

Úrslit:

Karlar
1. Reynir Óli Þorsteinsson
2. Ragnar Karl Gústafsson
3. Friðrik Rúnar Garðarsson

Konur
1. Tinna Sigurðardóttir
2. ?
3. ?

Takk þið sem mættuð.

Myndir hér:

picasaweb.google.com/115495377954517001255/Tungufljot2012

Menn þurfa bara að vera hressir og hafa aðgang að straumbáti. Skemmir ekki fyrir að vera með veltuna á hreinu.

Ertu að hugsa um að mæta?

Hvað þurfa menn að geta til að taka þátt í svona?

Jæja, þá er loksins komið að því. Tungufljóts kappróðurinn árlegi verður haldinn laugardaginn 8. september.

Í fyrstu atrennu er stefnt að því að ræsa um kl. 14:00 en það gæti þó átt eftir að breytast. Kannski ekki aðalatriðið. Aðalatriðið er að menn og konur láti sjá sig þarna uppfrá, með bát eða án.

Fyrirkomulag keppninnar er svokallað Boatercross, þar sem þrír til fjórir eru ræstir samtímis og tveir fyrstu í mark úr hverju holli fara áfram þar til einn stendur uppi sem sigurvegari.

Keppnin fer að venju fram í flúðunum rétt ofan við brúna yfir Tungufljót - á milli Geysis og Gullfoss. Næg bílastæði.

Hér er hlekkur á viðburðinn á facebook:

www.facebook.com/events/311670972265190/?context=create