Þriðjudagsróður 2.10.'12

OK gott að fá "heimild".
Kem á laugardaginn til að prófa bát.
Félagsbátarnir eru líka tiltækir og ég er óhræddur við að nota þá.

þú ert nú það sjóaður Beggó að þú getur vel látið sjá þig,

við gerum ekkert mikið i að halda þéttann hóp en erum þó meðvitaðir um að allir skili sér á einhverja staði þar sem við þéttum, reiknum með að ræðarar geti haldið frískum hraða i hverju sem er.

ekkert gjörgæslu dæmi i boði.

ef þú hefur áhuga á að æfa allskonar rugl og busl i öllum veðrum eru meira en velkomin.

lg

Kanske þarf ég að vera kominn lengra áður en ég fer að blanda mér í
buslogbjörgun hópinn.

Ljómandi lýsing hjá þér Gísli, eins og við mátti búast. Ljóðrænt og skemmtilegt. En--- eru róðrar á þriðjudögum regla eða hending?
Vildi gjarnan vera með á þriðjudögum. Helgarnar eru oftast "bókaðar"

Þarna reru Lárus, Gunnar Ingi, Ágúst Ingi, Eymi, Egill, Guðni Páll og undirritaður. Það var skjól í fyrstu á Eiðinu, en norðan suðupottur austan við Geldinganes sem náði að Veltuvík og svo var einnig vindstrengur vestan við Geldinganes. Róið var móti vindi og umhverfis Þerney og svo farið á undanhaldi með öldunni að vesturenda Geldinganess. Þðá var vindur að detta niður.

Guðni Páll brá sér þá inni í klettavík og þóttist vera í öngviti um einn til tvo metra frá bjarginu en kallaði "Jæja Gísli" um leið og hann valt út úr bátnum. Ég hef þá sögu ekki lengri en alltaf er þetta skemmtilegt.

Svo brá sólin bjarma yfir hafið og hér eru nokkrar myndir.
picasaweb.google.com/gislihf/M201210Fing...v1sRgCMbmwuLM7-fVxwE

Þegar komið var í land var sól sest og máninn lagði silfurborða inn allan Leiruvog, en mín myndavél ræður ekki við svo litla lýsingu, því miður því það var heillandi.

Kv. Gísli H. F.

Góð hugmynd. Kem með þér.

Ég stefni á róður eftir vinnu á morgun - mæting 16:30 - 17 á Eiðinu við Geldinganes.
Það eru góðar fréttir að Jeff Allen skuli hafa veitt Magga réttindi til að kenna námskeiðin hans og ég óska Magga til hamingju með það. Ég var einmitt að hugsa um tiltekna björgun sem gekk fremur brösulega í BCU matinu í s.l. viku, en þá lá meðvitundarlaus ræðari í sjónum við hlið bátsins (leikið) og var verkefnið að koma honum í bátinn og draga hann í land á réttum kili! Þetta væri fínt að æfa, ef þrír eða fleiri mæta. Ég veit um nokkur atriði sem voru ekki í lagi í þessu tilviki og allt sem á að virka í raun þarf að æfa.

PS: Fyrir þá sem ekki þekkja til, þá hafa þriðjudagsróðrar verið bæði þrekþjálfun og tækniæfingar fyrir þá sem eru komnir lengra en byrjendur og þannig nokkuð öruggir í vindi og vondu sjólagi.