Róður 12.01.2013 Geldinganes-Þerney

Ég átti því miður ekki heimangengt í morgun en það er næstum eins og að hafa farið í róður að fá þessar skemmtilegu myndir og nákvæmu upplýsingar Sævar.
Það vorar snemma þetta árið mætti segja eftir að hafa séð myndirnar.
Alltaf gaman að lesa lýsingarnar frá þér og þeim sem senda róðrarskýrslurnar.
kk.
Ingi

Eins og oft áður missti ég af Félagsróðri .
Þegar ég "vaknaði" um kl 7:30 í morgun og leit út var ,auk þess að vera svartamyrkur , hríðarahaglandi og þokukennt.
Ég sofnaði aftur og missti af félagsróðrinum.
En dreif mig samt af stað um tólfleytið.
Og þegar ég mætti í Geldinganesið voru sjókempurnar að ganga frá eftir róðurinn um Lundey ,ánægður hópur.

Leiðin mín lá að Leirvogshólma þar sem stefnan var sett á Þerneyjarsund með útúrdúrum vegna grynninga á stórstraumsfjörunni.
Róið var norður og vestur fyrir Þerney.
Þar var stefnan sett á Norðurnesið á Geldinganesi.
Logn var á sjó allt að vesturenda Þerneyjar.
Við þverunina yfir í Geldinganesið var komin talsverð undiralda af hafi og þegar að Helguhólnum ,vestast á Geldingarnesinu, var komið ,hafði bætt í vind á aðfallinu og var orðinn talsverður ólgusjór fyrir Helguhólinn-sem er jú alþekkt í svona ástandi.

Og eftir 11:27 km róður á 1:53 klst var lent í Geldinganesi.
Ekkert var farið úr bátnum á leiðinni-enda stuttur róður.
Meðfylgjandi er GPS kort og nokkrar myndir frá þessum síðbúna róðri mínum.

Góða skemmtun


plus.google.com/photos/11326675796839424.../5832614257299711121