Félagsróður 19. janúar

Þetta hefur verið æsandi róður hjá ykkur frá Korpúlfstaðaá og vel vesturfyrir Geldinganesið. Hörku lens og vaðið á súðum. Síðan hefur væntanlega dregið úr vestur fyrir Viðey og allt að Helguhólnum. Þá hefur ASA vindurinn heldurbetur komið í fangið á ykkur og síðan haldið ykkur við efnið vel austur fyrir Viðey. Síðan hefur verið hægt að róða í skjóli nokkkru með Gufunesinu.
Eða svo finnst mér samkvæmt veðurkorinu sem sett var upp um þetta leyti.
Í þessari átt spilar Úlfarsfellið stórt hlutverk í vindinum á þessum slóðum.

Sjálfur nota ég eingöngu veðurkort Veður.is fyrir mínar sjóferðir og met vindstyrk eftir því. Það stenst yfirleitt með litlum frávikum innan 3-4 klst. Brim get ég metið úr stofuglugganum heima allt frá Gróttu og vestur með Vatnsleysuströndinni-úr 93 metra hæð.
Náttúrufarið skiptir öllu með sjóferðir.

Hvet menn og konur til að skrá meira um róðra sína -hér á Korkinn. Þá safnast upp nýtilegur fróðleikur sem gagnast öðrum. Einnig er gott að skrá leiðarferla sem farnir eru.
Þegar Korkurinn var settur upp fyrir um 12 árum -höfðu 2 skráð þar eitthvað inn- eiginlega prufur-fyrsta heila árið.. Flókið var að setja efni inn. Ég bað Klúbbinn þá um leiðbeiningar á síðuna , sem var gert. Þá fór að lifna yfir. Mig minnir að ég hafi komið að skipulagi á fyrstu "Korkgerðu" kayakferðina fyrir sjófólkið-en það var 2 ja daga ferð í Straumfjörðinn 2001 . Straummenn urðu síðan mjög virkir Korkmenn í mörg ár. Nú eru það sjómenn og konur. En meira- líf má verða.

Það er gott að fá þetta mat frá Svenna, mér þótti róðurinn erfiður og var að velta því fyrir mér hvort eitthvað væri farið að draga af mér

Mitt mat á vindinum er það sama og fram kemur hjá SAS en það er þó hægt að segja hvað sem er meðan vindmælirinn á Geldinganesi er óvirkur - sjá:
www.vedur.is/vedur/athuganir/kort/hofudb...vaedid/#station=1480

Þessi vindmælir er mikilvægur því að veður á Kjalarnesi er mjög staðbundið og vindur í Borginni t.d. Seljahverfi í austlægum áttum mun hægari en á sundunum vestan við Mosfellsbæ. Þessi vindstrengur sem við róum oft í er trúlega vindur sem berst yfir Mosfellsheiði og kemur niður yfir Mosfellsbæ og afmarkast af Esju og Úlfarsfelli.