Nauthólsvík eftir vinnu

Rérum tveir suðurfyrir Viðey í frekar miklum mótvindi. Frekar stórar öldur við vesturenda eyjarinnar og ágætis lens á bakaleiðinni.

Gott hopperí þarna greinilega. Þið hafið stungið stefni í öldufald á útleið með tilheyrandi froðuskúmi á dekki. Asskoti gaman að sjá svona ferskar svipmyndir upplímdar á korkinum. Og maður spyr eins og þú, fór einhver í Gelgjuskeiðanesið að bleyta skeggið og sötra kaffiskólp?

Mættum þrír og fengum hressandi pus. Á Reykjavíkurflugvelli voru 12m/s og hviður eitthvað yfir 15m/s. Gaman að róa á móti öldunni út Fossvoginn og ekki síður lensið til baka. Það virtist einhvern veginn ekki alveg komið sumar ennþá ... Það bar helst til tíðinda að vakthafandi starfsfólk í Nauthólsvík fannst hið besta mál að við æfðum veltur og kúnstir í víkinni við ylströndina en það hefur nú ekki alltaf verið þannig. Nýja vatnshelda myndavélin var bara alveg vatnsheld þegar allt kom til alls, alla vega virkaði hún vel eftir tvær veltur.

Hvernig var það - voru einhverjir á Geldinganesinu í kvöld í norðangarranum ?

<br><br>Post edited by: palli, at: 2007/05/25 00:54

Mætum nokkrir í Nauthólsvíkina eftir vinnu. Klárir á sjó kl. 16:45. Allir velkomnir á meðan húsrúm leyfir.