Ferðanámskeið

Megið gera ráð fyrir mér

þetta verður væntanlega endurtekið á næstu vikum

Ég er mjög spenntur fyrir þessu námsskeiði. Hvenær má búast við að næsta verði?

Við sem tókum þátt í þessu skemmtilega litla ævintýri, með þorskveiðum, flökun, steikingu á hlóðum, að höggva rekavið í eldinn o.m.fl. höfum fengið opinbera hamingjuósk fyrir að hafa lokið ferðanámskeiði (ISKGA Camp Craft) hér á Korkinum.
Við höfum þó ekki greitt fyrir og ekki fengið skriflega viðurkenningu fyrir árangursríka þáttöku.

Verður eitthvað alvöru framhald á þessu kerfi eða er það andvana fætt?

Áhugavert væri að heyra frá Magga um það.

PS: Góður punktur hjá Sævari um framfarir í gerð salernisholna. Það er einmitt heitt mál í umræðunni um ferðamál hér á landi nú. Erlendir gædar rétta fólki sínu salernisrúllur og senda þau svo í móann eða bak við steina við fossinn fagra. Laugaveginn er aðeins hægt að ganga án þess að falla í öngvit af örnafnyk vegna þess að nefið verður ónæmt fyrir H₂S eins og Bjarni hefur frætt okkur um.

Þakkir sömuleðis Orsi og Maggi, þetta var fróðlegt námskeið og alltaf ánægjulegt að heyra reynslu- og kennslusögur, frá öðrum þátttakendum einnig.

Þetta hefur verið flott hjá ykkur.
Ég hef aðeins einu sinni gist í tjaldi í Viðey.
Síðan eru liðin 62 ár.
Við nokkrir félagarnir innan við fermingu fengum lánaðan lítinn árabát um Hvítasunnu -rerum úr í Viðey lágum við í 2 nætur og 3 daga og skoðuðum Viðey - tíndum kríuegg og átum og fleira skemmtilegt.
Svona var tíðarandinn þá.

Þakkir til allra. Nú hefur ISKGA formlega hafið göngu sína hérlendis og gaman fyrir alla hlutaðeigandi að hafa tekið þátt í fyrsta námskeiðinu í þessu kerfi. Bæði okkur Magga sem erum að stíga okkar fyrstu skref í áherslum og námskrárgerð - og þá sem slógu til með þátttöku. Allir að læra.

Fleiri Camp Craft námskeið eru svo fyrirhuguð á næstunni. Og öllum opin, hvort heldur þeir eru að afla sér þekkingar á kayakferðum með tjald og fullan búnað - eða þurfa endilega að fara alla leið og öðlast ISKGA réttindi. Það er þetta sem er svo áhugavert; allir græða, nýliðar jafnt sem stjörnuliðar. Og að lokum sérstakar þakkir til Magga fyrir að ryðja brautina og hafa hlutina í sínum traustu höndum.

Innilegar hamingjuóskir til þeirra sem luku:

Gísli H. Friðgeirsson
Gísli S. Karlsson
Guðrún Jónsdóttir
Gunnar Ingi Gunnarsson
Hörður Kristinsson
Ingimundur Stefánsson
Lárus Guðmundsson
Sveinn Axel Sveinsson

Það er verður gaman að sjá Magnús og Örlyg framkalla granít og 6 m há tré En kannski má æfa sig á blágrýtisklöpp og girðingastaurum.

Best að mæta til að sjá hvað þið bjóðið upp á.

Svona alþjóðleg gædun gæti hæglega borist til Grænlands eða British Columbia þannig að það þarf að geta tekist á við að tjalda á ísjaka, granítklöpp eða í skógarjaðri þar sem hengja þarf matinn upp í tré !

Kv. GHF

Sammála þér um þetta Sævar enda er þetta mjög ofarlega í kennslu áætlun okkar ef allir tilvonandi kayakfararstjórar helga sér ummgengisvenjur Kayakklúbbsins þá erum við í góðum málum.

Frá því ég fór að ferðast um á kayak í ferðahópum kringum árið 2000 hafa orðið framfarir.
Mesta framförin finnst mér vera sú að þegar land er tekið og tjaldbúðir hafa verið reistar- þá fer fram sú athöfn -að finna góðan stað fyrir sameiginlegt salerni. Þegar staður hefur verið valinn - er grafin hola sem að stærð og dýpt er talin nýtast hópnum meðan á viðdvöl stendur. Settur er einfaldur merkibúnaður sem gefur til kynna hvort salerni er upptekið eða laust. Og að viðdvöl lokinni er mokað yfir holuna og torfrista sett yfir. Og komi maður þarna aftur að ári er þessi torfrista orðin að fögru og kjarnmiklu grasi.
Þessi nýlunda í ferðum Kayakklúbbsins er tiltölulega ný af nálinni

Ég vil endilega taka það framm að það eru allir velkomnir að taka þátt bæði byrjendur og lengra komnir og líka gamlingjar ;


kv Maggi

Hvað er " ISKGA Camp Craft " ?

Sæl öll

Á fimmtudaginn kemur verður haldið ISKGA Camp Craft námskeið þetta er prufunámskeið sem við Örlygur stöndum fyrir.

Þetta er ferða námskeið fyrir kayakræðara og gildir til ISKGA réttinda.

Það verður mæting á Eldshöfða 16 á fimmtudaginn 20. juni kl 17 þar verður farið yfir efnið lauslega og svo mætum við í Geldingarnesið
kl 17 á föstudeginum með báta og tjöld klár í róður með næturgistingu í enhverri eyjunni á sundunum.

Það verður komið aftur í Geldingarnes um hádegi á laugardeginum þá er þetta búið.

Þeir sem hafa áhuga á þessu námskeiði endilega verið í sambandi við Magga í síma 8973386 eða msig@simnet.is