Að læra meira og meira ---

Gísli! Ætla að leyfa mér að skjóta á að í einum 10 félagsróðrum síiðan í maí hafi verið sérstaklega boðið upp á formlegar björgunaræfingar í lok róðurs.

Klúbburinn erum við öll, stjórnin þarf varla að boða sértaklega til björgunaræfinga.
Legg til að við tökum stuttan félagsróður á morgun, endum á formlegum félagsbjörgunum. Tilvalið að endurtaka t.d. "þrautakonginn" þar sem hópnum er skipt upp í 3-5 manna hópa, einn er valinn fremstur í hverjum hóp, hinir elta og endurtaka þær æfingar sem sá fremsti framkvæmir.

Á morgun er væntanlega síðasti fimmtudagsróðurinn, þar sem venjan er að þeir flytjist yfir á laugardagsmorgna eftir maraþon (hálf maraþon). sem verður haldið n.k. laugardag.

kv

Sælir

Ekki kannast ég við að það sé formleg stefna klúbbsins að vera með tvær formlegar björgunaræfingar á ári. Það er hins vegar mælst til að þeir sem mæti í skipulagðar ferðir á vegum Kayakklúbbsins hafi tekið að amk eina björgunaræfingu á árinu, getið lesið meira um það í Öryggiststefnu klúbbferða-sjókayak, sem er aðgengileg hér á vefnum.

Félagsróðrar er æfingarvöllur félagabjargana, en björgunaræfingar hafa verið í boði í flest öllum félagsróðrum síðan í vor og hvet ykkur til að mæta.
En það er nú einhvern vegin þannig að það er alltaf sömu ræðararnir sem sulla.

Félagabjörgun hefur þróast nokkuð síðan ég byrjaði að stunda sportið, sú aðferð sem nú er kennd er töluvert orkuminni fyrir þann sem er bjargað og öruggari í sjógangi.

Bátastjórnun í vindi er eitthvað sem þarf að æfa og það er eitthvað sem allir ættu að læra. Og slíkt er hægt að læra t.d. í félagsróðrum, þegar einhver smá vindur er í boði eða á námskeiðum eins og áratækni framhald.

kv