Dagurinn í dag þann 14. október 2013 var afar gjöfull til sjósóknar.
Við róðrarfélagarnir Hörður K. og Sævar H. nýttum þetta einstaka tækifæri og ýttum sækeipum okkar úr vör vestanmegin frá eiðinu á Geldinganesi. Klukkan var um 13:00 .
Við þurftum að hinkra aðeins meðan Steini ex formaður landaði sækeip sínum eftir flottan róður að Viðey.
Við tókum stefnuna á austurenda Viðeyjar að norðanverðu og áætluðum að róa síðan að eiðinu í Viðey og fá okkur smá vökvun. En veðrið var gott, logn til lofts og sjávar .
Hætt var við lendingu á eiðinu og róið með Kambinum og síðan vestur fyrir Vesturey.
Það var örfín undiralda sem brotnaði ljúft við fjöruklettana.
Og þegar suðurfyrir Vesturey var komið þá var stefna sett á Áttæringsvör.
Þegar þangað var komið var háflóð og fjörukamburinn þvi brattur og lending ekki aðlaðandi.
Það var því róið austur fyrir Virkishólinn og lent í Virkisfjörunni á góðum sandi.
Þar var tekin hressingarpása og kapparnir myndaðir ásamt sækeipum sínum.
Að þessu brölti loknu var stefnan sett austur með Viðey og að lokum lent á eiðinu í Geldinganesi eftir um 11 km róður.
Afbragðs sækeipaferð í flottu haustveðrinu
Þetta er sett inn fyrir þá sem heima sitja- til fróðleiks og nokkurrar skemmtunnar
Myndir og róðrarkort.
plus.google.com/photos/11326675796839424.../5934657024603851617