Félagaróður 19. okt - breytt fyrirkomulag

Þetta var eðalróður í góðu færi. Lagt út austan megin á eiðinu og róið rangsælis um Geldinganes með viðkomu í Lundey. Kaffipása tekin þar á háfjöru og talsverðar jafnvægisæfingar á þaraklæddu stórgrýtinu í fjörunni.

21 bátur lagði í hann, 19 fóru í Lundey og hringuðu hana og 11 bátar lengdu heimferðina yfir í Fjósakletta þar sem buslæfingar voru teknar.

Takk fyrir samveruna, þetta var alveg ljómandi fínt.

Þetta er allt eðal fólk, við hin verðum í góðum höndum

Sammála Sævari.
Mér sýnist þarna vera á lista flestir aktífustu ræðarar síðustu ára og mikil samþjöppuð reynsla í þessum hóp.
Ingi

Þetta er spennandi.
Og allt drengir og stúlkur góðar.
En eitt er það sem mikið hefur vafist fyrir mér þegar ég er mættur á eiðið í Geldinganesi með glampa í augum að hefja róður og það er hvorumegin eiðsins á að leggja upp.
Oft leita ég svara milli manna og kvenna en flestum vefst tunga um tönn .
Þetta byggir á að setja sækeipinn réttumegin í fjöruborðið- fyrir róður- svona tímalega.
Nú verður hægt að ganga beint að ákveðnum manni eða konu og krefja skýrra svara
Þetta finnst mér boða mikla framför.

Sælinú

Öryggisstefnu féagsróðra hefur verið breytt þannig að í stað nafnalista yfir viðurkennda róðrastjóra er nú komin setningin "Róðrastjórar Kayakklúbbsins skulu vera virkir ræðarar og hafa lokið 4 stjörnu BCU Sea kayak leader prófi eða sambærilegu."

Við vonum að þetta mælist vel fyrir, og einnig sú nýlunda að nú prófum við að úthluta einum róðri á mann svo lengi sem listinn endist. Skemmst er frá því að segja að allir 15 ræðararnir sem uppfylla þessi skilyrði tóku vel í að vinna samkvæmt þessu fyrirkomulagi, a.mk. til reynslu.

Ýmsir kostir hljótast af þessu, m.a.
- alltaf á að vera tryggt að viðurkenndur róðrastjóri sé til staðar í félagaróðrum klúbbsins
- við losnum við "ha, humm, hver á nú að vera róðrastjóri í dag" mómentið í fjörunni
- ekki alltaf sama fólkið sem tekur þetta að sér og álaginu þannig dreift
- róðrastjóri getur sett inn nokkrar línur á spjallið í aðdraganda síns róðurs
- ef einhverjum er meinilla við viðkomandi róðrastjóra þá getur hann setið heima þann daginn

Alla vega líta allar aðstæður vel út fyrir minn róður nú á laugardaginn. Stefnir í bjartan og fallegan haustróður, spáin segir hægur austan vindur, bjart og 2-4 stiga hiti. Ég er strax farinn að hlakka til !

Hér er síðan listinn yfir róðrastjóra næstu 15 róðra:

19-okt Palli Gests
26-okt Gísli H F
2-nóv Eymi
9-nóv Össur
16-nóv Guðni Páll
23-nóv Gummi Breiðdal
30-nóv Gunnar Ingi
7-des Lárus
14-des Maggi
21-des Örlygur
28-des Gísli Karls
4-jan Egill
11-jan Sigurjón
18-jan Sveinn Axel
25-jan Þóra