Þriðjudagsrugl 5 nov

Hér er smá myndskeið úr byrjun róðursins á meðan birtan var nægileg fyrir HDhero. Reyndar mest mynd af svuntunni minni þar sem festingin var eitthvað lufsuleg - þarf greinilega að endurhanna hana

Sést í Lárus þarna á tímabili - takið eftir að hann er að róa ÁFRAM þarna ...

Skemmtilega ruglaðir félagar!
Það er annars nýtt að gefa reglulegar skýrslur um æfingaróðra, en þó í vissum fælingarstíl.
Lárus er venjulega afar stuttorður - en ég býð hann velkominn í rithöfundahópinn

Ég hefði ekki verið til í þetta í dag, en við sjáum til eftir sjötugt.
Kv. GHF.

Nokkrir lærdómar:
1 Að róa í hífandi roki er góð skemmtun og hin besta æfing (það vissi maður nú reyndar)
2 Fljúgandi surf í svartamyrkri er alveg sérstök upplifun
3 Í hreinni austanátt, 15-20 m/s eru komnar hressilegar öldur strax 50 metra frá landi vestan við Geldinganeseiðið
4 Ef maður ætlar að róa með þessum peyjum í svona veðri þá er ekki sniðugt að sleppa síðdegis drekkutímanum. Ég prófaði það og það var farið að lækka verulega í tankinum í restina

Takk fyrir mig

Hér er golan í Geldinganesi svk. mælum Veðurstofunnar:

Heldur var hann vindasamur við höfuðstöðvarnar i dag, 15-20m skv einhverjum mælum á svæðinu þannig að það var fyrirséð að þetta gæti orðið hinn skemmtilegasti róður. Fjórir ungir menn mættu til leiks ásamt þrem kaffiræðurum sem annaðhvort nenntu ekki eða voru létt meiddir, þóra, klara og guðni páll

út fóru drengirnir austanmegin og voru strax komnir í stórar vindöldur og strekking sem tafði aðeins, ætlunin var að puða út að golfvelli og taka stöðuna, þegar við loksins komum þangað fannst okkur að ann væri bara að lægja en við vorum víst bara komnir i skjól, þegar þarna var komið var ómögulegt að nýta ekki vindinn og taka geldiganesið við fengum alveg eðal surf i kolsvarta myrkri með súluna hennar yoko sem mið við læddumst svo í ágætu skjóli að garðinum sem notaður er til veiða

við höfðum rætt þegar við vorum að tala upp stemmingu fyrir g.nes hring að það væri örugglega sæmilegt skjól sunnanmegin þar sem hann var norðaustan stæður öllum þessum pælingum vorum við búnir að steingleyma og tókum strikið beint i höfuðstöðvarnar þar sem vindurinn var mestur og vindaldan náði sér á gott strik það nálgaðist hægt ljósið á pallinum og maður hafði nægan tíma til að pæla í áratakinu og reyna að ná sem mestu úr hverju taki án þess að sprengja þolið
frábær æfingaróður sem endaði i tveggja tíma puði eins og þessir róðrar gjarna vilja vera, ræðarar voru gunnar ingi, palli formaður sigurjon m og lárus

Þriðjudagsróðrar voru skapaðir til stuðnings Gísla hringfara 2008 og hafa haldist óslitið síðan, allir eru velkomnir svo fremi sem ræðari sé sjálfbjarga við flestar aðstæður og geti róið eins og andsk.... i tvo tima í myrkri og skilað sér heim.

lg