Félagsróður laugardagur 23.11.2013

Takk fyrir skemmtilegan róður og gaman að sjá myndir úr túrnum svona beint í æð.
Kv - Skúli

Hæ, flottur róður hjá okkur í dag hér eru nokkrar myndir.
Kv. Jónas

Sæl hér kemur róðrarskýrslan 23-11-2013

Átján bátar á sjó. Lagt upp vestanmegin af eyðinu. Róið undir bryggjuna í Gufunesi, þar sem
stefnan var fljótlega tekin á Elliðaárósa. Rerum undir austari göngubrúnna sem er verulega
flott mannvirki. Fórum upp ósinn þar til ís hamlaði för sem var næstum því á móts við
B&L húsið.

Þar var snúið við og tekinn smá aukakrókur undir Grafarvogsbrúnna. þótt um tveir tímar væru
frá flóði var lítill straumur enda smástreymt. Ís var í Grafarvognum þar sem snúið var til
baka heim á leið.

Smá busl og trix voru viðhöfð að venju. Veður var mjög gott um -2 gráðu hiti og
nánast logn.

Komið var til baka kl. 12:20. Takk fyrir daginn.

Kv.
Gummi B.

Sæl öll
Það fellur í minn hlut að stýra félagsróðri núna á laugardaginn. Hef ákveðið að bjóða uppá ferðaáætlunina hér
að neðan.
Það er möguleiki á að leið A verði ekki fær vegna íss úr Elliðaárósnum, á þó síður von á því þar
sem ekki hefur verið langur frostakafli. Að auki ætti norðanáttin að sjá til þess að Viðeyjarsundið
verði autt.
Vona að sem flestir mæti í þessu flotta vetrarveðri.
Kv.
Gummi B.

Ferðaáætlun:
Vindur: Hæg minnkandi norðanátt 2 m/s
Hitastig -3
Flóð 09:37

Lagt af stað stundvíslega kl. 10:00 frá aðstöðunni í Geldinganesi.
Gott að vera mætt ekki seinna en 09:30.

Plan A: Að brúnni yfir Elliðaárósa um 4,5 km hvor leið samanlagt 9 km.
Áætluð ferðalok ekki seinna en kl. 12:30

Plan B: Engey um 6 km hvor leið samanlagt 12 km.
Áætluð ferðalok ekki seinna en kl. 13:30

Áætluð ferðalok eru ríflega ákveðin þ.e þetta á afslöppuð skemmtun.
Legg til að farið verði út vestanmegin af eyðinu og róið að bryggjunni í Gufunesi.
Þar verði staðan tekin og ákveðið hvort A eða B verði fyrir valinu.
Hvort farið verði í land eða ekki verður líka ákveðið þegar þar að kemur.
Nauðsynlegt er að vera vel búinn sérstaklega hendur og höfuð.
Nesti er líka æskilegt að hafa meðferðis.