1-2 feb: Þrautakongur og tækniæfingar

Við vorum aðeins 8 sem mættum og tókum þátt í þessum æfingum. Þau sem mættu voru Perla, Klara, Ellen, Gísli Hf, SAS, Maggi, Daníel og Hörður. Gunnsó og Eymi kíktu á kappsfulla þátttakendur, en höfðu ekki tök á að vera með vegna annarra starfa.

Þrautunum var skipt upp í 4 umferðir, þar sem hver umferð var ýmist 2 ferðir yfir laugina eða 4 ferðir. Í hverri ferð var ein þraut leyst. Þrautirnar voru fjölbreyttar, róður með höndunum, með áratökum frá aðeins annari hliðinni, aftur á bak og áfram, velta áralaus þ.a. hálf ár var sótt undan teygjum í kafi og síðan notuð í veltunni, cowboy entry fyrir framan mannop og koma sér síðan í mannopið og snúa sér þar í hálfhring og setja á sig svuntuna, 2 hringróðrar afturábak með bakka laugarinnar, róður sitjandi ofan á bátnum fyrir aftan mannop ofl. Og af sjálfsögðu var svo hver þraut krydduð með smá keppnis.

Í dag, sunnudag var svo hefðbundin sundlaugaræfing,með góðri mætingu. Ekki varð úr æfingunni sem var kynnt fyrr í vikunni,þ.e. forward paddling, þ.s. engir voru nýliðarnir eða minna vanir.. Góðri kayakhelgi lokið, með félagsróðri, þrautakongi og sundlaugaræfingu.

N.k fimmtudag er aðalfundur Kayakklúbbsins, hvetjum alla til að mæta.

Í félagaróðrinum n.k. laugardag, blótum við svo þorra með þorrasnakki, hákarli og brennivíni.

kv
Sundlaugarnefndin

... og tækniæfing meira að segja líka

Til að taka af allan vafa, þá er rétt að taka það fram að félagsróðurinn fellur EKKI niður. Morgundagurinn verður pakkaður hjá vonandi mjög mörgum, byrjar á félagsróðri kl 09:30, þrautum í Laugardaglslauginni kl 15:00 og endar í heita pottinum,

kv

Ætlar þú ekki að mæta og taka þátt?

Þrautirnar verða settar upp þ.a. þær henti sem flestum, t.d. "Cowboy reentry", bakka yfir laugina, róður þ.a. árin er eingöngu notuð á annari hliðinni, snúa kayakinum við í enda brautar, snúa sér í hring ofan á bátnum ofl

kv

Sundlaugarnefnd ætlar að standa fyrir hittingi í Laugardalslauginni um næstu helgi, þ.e. laugardaginn 1. feb og aftur sunnudaginn 2 feb.

Á laugardeginum mætum við kl. 15:00 í Laugardalslaugina. þar sem boðið verður upp á þrautabraut. þátttakendum gefst kostur á að leysa nokkrar einfaldar þrautir á kayakinum. Nánari útfærsla verður kynnt á staðnum, en þetta verða þrautir og tækniæfingar sem henta öllum. Það fá allir að synda Við viljum sjá metmætingu og þátttöku í þessu með okkur.

Á sunnudeginum er hefðbundin sundlaugaræfing, en á æfingunni er ætlunin að byrja aftur með tækniæfingarnar sem voru í boði í fyrra. Þetta eru tækniæfingar sem henta minna reyndum ræðurum og nýliðum og kosta ekkert. Æfingarnar verða ca í 20-30 mín, og ætlunin er að bjóða upp á þessar æfingar á næstu sundlaugaræfingum. Næsta sunnudag verður farið yfir helstu atriði í "Forward Paddling".

kv
Sundlaugarnefnd