Þingvallavatn 9. sept.

Takk fyrir fínan róður um daginn, hérna eru nokkrar myndir (betra seint en aldrei).
Kv. Jónas

Það var brakandi blíða og fallegt haustveður þegar 19 kayakar og 2 brimskíði lögðu út frá Klöppinni kl. 10:40, nokkuð seinna en áætlað var en það skrifast allt á hjólreiðakeppnina „Reykjavík-Þingvellir“ sem var í fullum gangi þennan morgun.
Ekki fékkst leyfi þjóðgarðsvarðar fyrir að kíkja á Silfru þannig að róið var beint yfir að Lambhaga og landi fylgt að Vatnskoti, þaðan var stefnan sett á Arnarfell þar sem áð var. Eftir nestis- og berjaát var lagt í hann á nýjan leik en án Inga og Evu sem kvöddu hópinn og réru sömu leið til baka en aðrir héldu áfram för.
Það var aðeins breytt út af fyrirhugaðri ferðaáætlun og í stað þess að þvera beint á Nestá var stefnan sett á Sandey og þaðan yfir að Nestá. Þá hafði bætt aðeins í vind, þannig að úr varð gott hopperi þar sem einhverjir lentu í vatninu, en allt fór þó vel.
Þegar komið var fyrir Nestá fengum við smá skjól þannig að síðasti spölurinn var frekar tíðindalítill. Sem sagt góður og að mörgu leiti krefjandi róður í fallegri náttúru og ekta íslenskri veðráttu, sem taldi rok, rigningu, sól og logn, og var það vel við hæfi á gamla Þingstaðnum.
Klukkan hálf fjögur var komið að bílunum eftir rúmlega 20 km róður, þaðan sem hver fór til síns heima.

Við þökkum þáttökuna.
Perla og Ólafía

Þessir réru: Sveinn Axel, Hildur, Ingi, Eva, Lárus, Kolla, Reynir Tómas, Örlygur, Egill, Marta, Jónas, Þórólfur, Jóna, Rúnar, Harpa, Þorsteinn, Toni + einn, Bjarni, Perla og Ólafía.

Nokkrar myndir:
photos.google.com/share/AF1QipNM9Hx7jVYc...Um9PaWNsMEotZDhWZFZB
úr þessum líka fína túr í gær. Takk fyrir okkur
Ingi og Eva

þessi bátsi heitir Þrumubarnið. Já.
Leyfum Þrumubarninu að skemmta okkur ögn. Til heiðurs hopperíinu á vatninu í gær.

Takk fyrir skemmtilegan róður. Nokkrar myndir til gamans.
Þorsteinn
photos.app.goo.gl/aezEJAGCJddCSLpo2

Nesjavallaleið er lokuð. Fara Mosfellsheiðina

Ég ætla að mæta. Plús einn í viðbót

Mæti.
kv Þorteinn

Eg mæti
Kv. Rúnar

Við Jóna mætum, Þórólfur.

Ég ætla að mæta.

Egill og Marta mæta.

kv. Egill

MÆTI. Get tekið aukbabát