Breiðafjörður 2024

Lagt verður af stað frá Kvennhólsvogi á Fellströnd neðan við bæinn Hnúk
milli klukkan  18 og 19.00 föstudag 9 ágúst,  þannig stendur á sjávarföllum að við verðum seint á ferðinni.  Miðum við að vera klár um 18, tökum stöðuna þá hvort vogurinn verði fær.

Frá Reykjavik eru um 200 km beygt inná veg 590 ca 12 km norðan við Búðardal. Þetta ætti að vera tæplega 3 tíma ferð frá Reykjavik.

Reikna má með um tveggja tíma róðri án landtöku út Purkey en róið er við land og eyjar og ef þörf er á er landtaka víða möguleg.

Um 10 km róður er út í eyjuna frá bílunum, laugardagurinn gæti orðið 12-15 km og svipað á sunnudegi.

Á laugardag róum við norður fyrir Purkey og höfum svo flóðið með okkur suður á bóginn um strauminn Knarrarbrjót í Suðurstakk og Vesturstakk, jafnvel Hrappsey og skoðum okkur um áður en við róum til baka í Purkey. Tímasetningar miða við að straumar séu ekki harðir og vel viðráðanlegir.
Einnig má nýta daginn til skoðunar á eyjunni fótgangandi ef ekki er vilji til að róa,
eyjan er stór og bíður uppá frábæra náttúruskoðun.Sunnudagurinn verður svo nýttur til heimferðar etv með smá útúrdúr í Klakkeyjar sem eru hæstu eyjarnar á Breiðafirði sem bjóða uppá frábært útsýni ef lögð er á sig smá fjallganga .

Allt vatn skal hver þáttakandi taka meðferðis heiman frá, reikna skal með 2-3 lítrum á hvern mann á sólarhring.

Algjört skilyrði er að hver þátttakandi taki allt sitt sorp til baka sjálfur og að ekki liggi neitt eftir.

Kayak skal vera sjókayak með lokuðum vatnsþéttum hólfum að framan og aftan og traustum dekklínum allan hringinn.
Ferð þessi er opin til þátttöku þeim félögum i Kayakklúbbnum sem standast kröfur klúbbsins um getu til að takast á við 3.ára ferð skv. skilgreiningum klúbbsins, sjá hér að neðan:

Ferðir þar sem þvera þarf firði eða róa um svæði þar sem langar vegalengdir eru milli landtökustaða.
Lágmarkskröfur um hæfni: Að þátttakendur hafi æft félagabjörgun, séu byrjaðir að tileinka sér rétta róðratækni, stuðningsáratök og geti róið 20 - 30 km á dag.


Skráning i ferðina skal gerast hér á korkinum i þessum þræði, gefa skal upp nöfn þátttakenda og simanúmer.
Þátttaka er háð samþykki fararstjóra.

Róðrar og fararstjórar er
Lárus Guðmundsson. S. 822 4340
Eyjólfur Jónsson