Félagsróðrar

það er óhætt að segja að maður safnaði talsverðri reynslu eftir þennan róður. Taldi mig vera alveg öruggan á eftir sérfræðingunum en róðratæknin klikkaði og ég í strand. Komst hvorki aftur á bak né afram og endaði á hliðinni. Ég þakka fyrir björgunina. Ég held að ég verði duglegur að æfa mig í þessum öryggisatriðum á næstunni, ágætt að fá smá bank í bakið þvi ég var greinilega með einhverjar ranghugmyndir um eigin getu.

Ég mun framvegis gæta þess betur að loka buxnaklaufinni eftir notkun.

Fottur róður með stór strandi
picasaweb.google.com/maggisig06/20090514...1sRgCMLG1s6AgN-hvgE#
merkilegt en báturinn virðist vera óskemdur eftir þetta.

Það var sendur póstur á alla 400 félagsmenn 5. maí með subject \"Félagsróðrar Kayakklúbbsins færast yfir á fimmtudagskvöld\". Búinn að bæta þessu líka inn á dagskrárdagatalið. Nú er bara að mæta duglega í allt sumar ...

Meiriháttar ferð.. mikið hopperí, sörf og vindbarningur
Skemmtilegt að berjast norður Þerneyjarsundið á móti hvítfyssandi öldum og hávaða roki, fjúka síðan til baka á flottu lensi. Það var svolítið sérstakt þegar maður ætlaði að róa með á lensinu þar þá var bara engin fyrirstaða í sjónum.. ferðin á manni var það mikil.

Á bakaleiðinni var síðan helvíti krefjandi að róa í tidalinu sem Orsi lýsti... en gaman

Frábær skemtun , náði bara einni mynd þar sem myndavélin klikkaði. picasaweb.google.com/maggisig06/20090507...#5333229510320395058

Óhætt að segja sumarvertíðin hafi byrjað með látum í kvöld. Nú voru ANA 10 metrar og útfall. Farið bara eitthvað útí bláinn og reynt að týnast milli eyja og nesja í hvítfyssandi sjó og hörkuroki. Það mynduðust litlir strokkar á haffletinum, alveg magnað að sjá þetta. Á bakaleiðinni frá Þerney urðu sjaldgæfar aðstæður; útfall í hámarki og duglegur vindur á móti - semsagt bara tidal og læti. Og mannskapurinn á hárréttum tíma fyrir brasið. Hvolfanir og bjarganir alveg hægri vinstri, sörfað og hneggjað. Þessir réru:

Sas
Maggi
Magnús S
Lárus
Eymi
Valdi
Hörður
Orsi

félagsróður í frábæru veðri. 12 sem komu og tóku Viðeyjarhring. Mættum íslandsmeistaranum Ólafi sem kom frá Örfirisey á OceanX. Hann heilsaði aðeins uppá okkur og svo var hann horfinn útí buskann. kaffihlé á hefðbundum stað og farið yfir efnahagsmálin með Þórólfi. 5 til 7 selir voru á vappi á fjörunni fyrir framan. Gæsahópur sem var nýlentur á þarabreiðunni sem var óvenjustór vegna mikillar fjöru hámaði í sig gómsætt fjörufæðið. Margæs eða eitthvað í þá áttina.

Páll var foringi og aðrir voru Halla og Ólafía, Ralph Árni, Stefán, Benedikt, Þórólfur, Bróðir Magga, Þorbergur, Gummi og Ingi.

Veltur og félagabjarganir framkvæmdar skv. öryggisstefnu undir pólverjanesi.
flottur túr og allir mjánægðir.

Sveinn Axel stóð sig með mikilli prýði sem róðarstjóri. Farið nákvæmlega eftir öryggisstefnu og kom bara vel út. Allir sem ætla að róa eitthvað í sumar eru hvattir til að koma í þessar ferðir sem eru mundi ég segja nauðsynlegur undirbúningur fyrir sumarið. Svo sundlaug á sunnudag kl 17 þar sem enn eru nokkrir tímar eftir. Manni veitir ekki af að slípa til fínhreyfingarnar í veltunni við notalegar aðstæður. Það var í kaldara lagi að velta í dag.

Flottur róður og ekki skemdi veðrið stemminguna
en Gunni þetta kallast að safna í reynslu pokan þú klikkar ekki aftur á þessu atriði:side:

Góð mæting í dag, 12 manns þar af tvær öflugar ungar konur, Halla og Heiða, hinir voru eftir aldri Páll, Eymi, Ágúst Ingi, Gummi Breiðfjörð, nýji á gula bát, Maggi,Gummi,Lárus, Gunnar Ingi og Siggi. Róið var rangsælis hringur um Viðey. Nýliðar létu ekki ruglingslega ölduna við vesturenda Viðeyjar tefja sig og reru eins og þrautþjálfaðir sérsveitarmenn í var og kaffihlé á hefðbundnum stað þar sem sagðar voru frægðarsögur af þeim sem voru viðstaddir og háðulegar sögur af þeim sem ekki komu.
Mikið hlegið eins og myndirnar sína:


picasaweb.google.com/IngiSig/FelagsroUr1.../5323437321907823234

Fínn róður um 10 km.<br><br>Post edited by: Ingi, at: 2009/04/11 15:47

Þetta var góður túr og gaman að sjá svona marga saman komna.. svo var skemmtileg alda að kljást við og smá ágjöf

Þar sem bátar klúbbsins eru í misjöfnu ástandi eins og er þá langar mig að benda á að ef einhver er í vandræðum með bát þá á ég einn Prijon, eins og nýr, sem ég geymi þarna í Geldinganesinu, sem hægt er að fá lánaðan eftir þörfum.