Framtíðaraðstaða klúbbsins - tillögur ?

Ég var að velta fyrir mér hvort það væri algengt að ljós fyrir utan aðstöðuna okkar væru skemmd?
Væri vittlaust að setja 500w kastara á hreyfiskynjara eða tíma stilli 10Mín í einu(þá gleymist hann ekki í gangi) ég gæti útbúið grind yfir hann svo hann gæti staðið af sér grjótkast ungafólksins.
Hvað segja menn um þetta?

Fínn punktur. Takk fyrir ábendinguna. Skoðum hvort þetta væri sniðugt.

Í MBL um helgina er auglýst hús sem er staðsett einhversstaðar fyrir austan. Kaupandi verður að flytja húsið og ganga frá svæðinu eftir að húsið er farið þaðan. Þetta er svokallað teleskóp hús sem var notað sem bráðabirgðarhúsnæði í Eyjum eftir gos. Þetta er ca 60m2 og gæti vel komið sem klúbbaðstaða í Geldinganesinu. Þá erum við að tala um húsnæði sem fengist fyrir lítinn pening og hugsanlega brúa bilið þangað til að hin endanlega og fína lausn sem allir sjá fyrir sér verður að veruleika. Kostur við þetta er að þá höldum við gámunum og þetta hús yrði komið upp eftir ca mánuð í síðasta lagi ef menn kýla á það.
Kv.
Ingi

Halda þessum þræði lifandi ... - upp með þig

Þetta með grjótið undir Gullinbrúnni er ekki ný hugmynd, en mjög góð.
Held að þetta myndi nýtast sjósullurum eins vel og strumsullurum... en spurning um hver ætti að gera þetta og hvort þetta megi yfir höfuð

Frábær hugmynd með rampinn. Fyrir löngu kominn tími á svoleiðis á klakanum.

Spurning hvort svona rennibraut kæmi ekki vel út við Gullinbrú. Er ekki hægt að fá nokkra stóra steina þarna undir til að fá smá straumfíling í rennunni undir brúnni? Þarf nú ekki að kosta mikið en nokkrir steinar og stærsti straumur ársins og straummenn og konur gætu sýnt okkur hinum hvernig á að gera þetta.
Kv.
Ingi

Sammála - félagsaðstaða er líka réttara orð yfir það sem ég var að meina.

Og bóka-, tímarita- og myndbandasafn á að sjálfsögðu heima þarna. Einnig aðstaða til að lesa og góna úr sér glyrnurnar.

Ég mundi gera kaffikrókinn stærri og kalla hann félagsaðstöðu, jafnvel með smá bóka- og myndbandasafni.

Svo væri gaman í amk 10 mín að hafa svona

Jæja, það þokast í framtíðar aðstöðumálum klúbbsins. Fyrir þá sem ekki vita er búið að sækja um lóð á eiðinu þar sem við erum með gámana og hefur verið tekið vel í þá umsókn. Nú er verið að vinna skipulagsvinnu hjá Borginni og eigum við von á því að fá endanlegt leyfi næsta sumar ef allt gengur þokkalega.

Stefnt er á að húsnæðisnefnd hitti skipulagslið frá Borginni seinna í vetur og þá er gott að það liggi sæmilega fyrir hvernig við viljum að aðstaðan okkar líti út.

Þessum þræði er ætlað að vera vettvangur fyrir félagsmenn til að koma með tillögur að því sem þeir myndu vilja sjá í nýrri aðstöðu. Um að gera að bauna hingað inn sem flestum tillögum sem svo er hægt að hafa til hliðsjónar þegar að lokahönnun kemur.

Það sem kemur fyrst upp í hugann er í ætt við það sem nú þegar er til staðar (nema meira og stærra náttúrulega )
- Búningsaðstaða karla og kvenna
- Sturtur og klósett
- Kaffikrókur
- Geymsla fyrir báta (140 stk. í Geldinganesi í dag)

Svo má fara að láta sig dreyma, t.d.
- Geymslu/þurrkaðstaða fyrir galla og búnað ?
- Rúmgóð viðgerðaraðstaða ?
- Sána ?
- Heitur pottur ?
- Nuddarar á 24 tíma vakt allt árið ?

Um að gera að demba inn pælingum ...

Palli