Haldið áfram með hringróðurinn

Nú er að færast lífsmark í hringróðursmálin á ný. Íslenskir ræðarar eru að koma sterkir inn.

Þeir félagar Magnús Sigurjónsson,hringfari, Eymundur Ingimundarson, Rúnar Pálmason og Örlygur Steinn Sigurjónsson lögðu upp frá Patreksfirði um kl 14.30 í dag þann 4.júní.

Þeir róa núna NV með Vatneyrarhlíðum og stefna á Tálkna sem er útvörður Patreksfjarðar í norðri og Tálknafjarðar í suðri.

Sjólagið hjá þeim er sennilega að færast í aukana. Ölduduflið útaf Blakknesi sýnir 2,4 m ölduhæð og 6,4 sek. tíðni -sem sagt þungur sjór af SSV og því lens hjá þeim.

Brim er því álitlegt við ströndina.

Nú er spennandi að fylgjast með Spottækinu hjá þeim. Stóra spurningin er hvort þeir leggja í að þvera Tálknafjörðinn og fyrir Kóp og inn á Arnarfjörð -í þessum sjó en glimrandi lensi ? Eða hvort þeir fari inná Tálknafjörð í var.
Allt eru þetta harðjaxlar á sjó.
Framundan næstu daga er breytileg átt og hægviðri svona yfirleitt-en spurning með ölduhæð.

Við fylgjumst með þeim sjóvíkingum.

Kl 17.10 tóku þeir land norðanmegin í Tálknafirði þar sem heitir Feigðarvík í mynni Sellátradals. Þeir eru þarna kyrrstæðir þegar þetta er sett inn kl 19.40. Fyrir utan er sennilega haugasjór . Öldudufl sýnir 2,6 m kl.19.00 . En það er að byrja að lægja og verður ferðaveður um miðnættið og vindur hægur framundir hádegi á morgun. Þá verður komin NNA átt og á móti fyrir annnesin.

Víð bíðum morgundagsins og fáum stöðuna.....

Líst vel á þetta hjá þeim. Koma þeir við á ísafirði?

Nú verður gaman að fylgjast með köppunum okkar á Vestfjörðum. Reyndar er ekki hægt að sjá merki frá SPOT tækinu, nema heima hjá Magga í Breiðholtinu áður en hann fór. Mig grunar að þeir kappar hafi tafist við Hálandaleikana sem nú fara fram á Vatneyri við Patreksfjörð, líklega verið rænt til að hafa í keppnisliði.
Reyndar er sjólag ekki gott þegar komið er út úr firðinum, duflið vestan við Blakksnes sýnir 2,5 m ölduhæð, aldan er úr suðvestri og því væntanlega brim í lendingunni undir Krossadal, sem annars væri góður áfangastaður.

Örlygur hefur bæst í hópinn og rær með okkur á Isafjö

Góða ferð og bestu fararóskir frá okkur Lilju.

Ef þið farið greitt yfir þá getið þið náð þeim Suður-Afríku hringförum. Þið eruð að leggja í "gleðitúr" - það er því spurning hvort eitthvað var í uppskrift Rúnars sterkara en hann greindi frá? Passið ykkur bara á hvítabjörnunum og hafið alltaf skrokk af kind eða sel á dekkinu til að stinga upp í þá .

seakayakreykjavik.is/news/19/

Þá er komið að því að halda áfram með hringróðurinn. Planið er
að fara í Stykkishólm og taka Baldur um laugardagsmorguninn. Róa
síðan upp úr hádegi frá Patreksfirði.
Þeir sem róa með mér að þessu sinni eru Rúnar og Eymi.
Veðurspáin er fín og þetta verður bara gleðitúr.
Hér er linkurinn á SPOT tækið fyrir þá sem vilja fylgjast með.
share.findmespot.com/shared/faces/viewsp...LdWvOePSQ8ZEKWI2IeFR