Dagróðrar

Ég var með Lilju fyrir kvöldmat í léttum æfingum við skerið inn við golfvöll og Hildigunnur slóst í hópinn. Við ætlum að taka aðra törn á morgun 1. ágúst kl. 19 á sjó við Geldinganes og þetta er auðvitað með Breiðafjarðartúrinn í huga.

Ég bendi á þennan tíma ef fleiri eru á svipuðum nótum, þá er velkomið að slást í okkar hóp. Skilyrði verða hagstæð, vindur að detta niður og háflóð kl. 19.36 og stórstraumur, þannig að ekki þarf að bera báta nema rétt fram af pallinum.

Kv. Gísli H. F.

Það er rétt að fjaran er ansi skítug. Það bætti ekki úr skák þegar bærinn bætti nýjum sandi við og með fylgdi alls kyns brotajárn! Í gamla daga var þarna slippur með öllum óhreinindum sem því fylgir. En maður hefði haldið að fjaran ætti að vera orðin hrein eftir svona langan tíma... Veit einhver af hverju fjaran er svona skítug þarna?

Flott hjá ykkur Össur og Egill.

Sjálfur var ég með nýjan félaga í þjálfun í gærmorgun og síðan með Lilju í blíðu á sjó og á kafi í só innan um hvönn og fjörugrös í kaffipásu við Veltuvík.

Í morgun var svo fyrsta ferð með Sigga syni mínum í Lambhúsatjörn og svo í land í baðströnd Sjálendinga. Ungi maðurinn var ótrúlega fljótur að læra, eða ég er farinn að eldast!

Þetta er mengaðasta fjara sem ég lendi í og þarf að þrífa bátana sérstaklega og fótabúnað á eftir.

Ef einhver Garðbæingur les þetta þá má koma því til skila að þetta er það sem börnum þeirra er ætlað að busla í en gæti verið drykkjarból fyrir nautgripi á steppum Afríku miðað við lit og lykt.

Kv. GHF.

Við Egill rérum þræl magnaðan dagróður í dag. Lögðum upp frá aðstöðu Sviða á Álftanesi um klukkan 14:30 og rérum sem leið lá að aðstöðunni okkar í Geldingarnesinu. Vindur var vestanstæður 4-6 m/s samkvæmt vedur.is og hin bestu skilyrði í þennan róður. Við rérum út fyrir (vestanvið) Löngusker, fyrir Gróttu og tókum svo stefnu norður fyrir Akurey. Í Akurey var tekið stutt kaffi stopp. Á sundinu milli Akureyjar og Engeyjar urðum við varir við stórar vöður af Makríl, mögnuð sjón að sjá hvernig þeir höguðu sér á yfirborðinu, það var eins og þeir væru að leika sér, svona hálpartinn fleyttu kerlingar. Magnað að sjá, hafa fleiri orðið var við þetta á róðrum sínum? Svo rérum við sem leið lá norður fyrir Viðey og inn sundið milli Viðeyjar og G.nes heim að gámum. 22,75 km samkæmt mælinum af korti en 21,5km samkvæmt GPS. Meðalhraði 6,1km, róðrartími 3,5 klst og mesti hraði 16,1km. (náðum smá sörfi norðan við Gróttu)
Snilldar róður........

kv Össur I

Róðrarleiðin

Við Einar Sveinn rérum að veltuvík í gær. (eftir pælingar með gámana okkar og aðstöðuna fínu á eyðinu.
Í víkinni stunduðum við ýmsar æfingar. Sumar tókust með ágætum en aðrar miður
Fannst bara ég þurfa að deila þessu með ukkur

Kv ÖI

Lambhúsatjörn frá Sjálandbaðströnd að Bessastöðum og til baka meðfram Gálgahrauni. Róleg ferð með konunni í blíðu.
Sjálandsskóli er alveg við fjöruborðið og liggur vel við að bjóða nemendum upp á að róa.
Það var víst meiningin að segja frá ferðum fyrirfram til að fá fleiri með, en einnig gott að sýna að einhverjir eru að hreyfa sig.

9. júlí 2011.

Reri einn frá Laugarnesi á Romany.
Öryggisbúnaður: VHF rás 9 opin, síma í vestisvasa, 2 neyðarblys, varaár o.fl.

Stopp á rifinu við Akurey (1 h), suður fyrir Nes (0,5 h), kaffistopp í einu Hólma-skerjanna (50 mín), Lent í Hraunsvík við baðströnd Sjálandshverfinga í drullu, enda var fjara, en ofar er ljóst sandur (40 mín).

Alls tók ferðin 3,0 h með stoppum og var um 18 km.
Gola var, 15°C, sjólítið, skyggni gott og sól.

Skemmtilegt, ekki flóknara en það!

Ég fór í dagróður á þessum frábæra degi. Ég lagði upp þegar aðaldagróðrarliðið var að koma í fjöru austan eiðis í Geldinganesi-fríður flokkur. Margir voru á sjó -bæði almennum róðri ,fiskveiðum og náttúruskoðun -eins og undirritaður.
Þetta er sennilega besti dagur þessa sumars.

Ég kem með, var líka látinn vinna í lóðinni heima!

ég er til í lundey í fyrramálið , var látinn vinna í garðinum heima í dag og fékk ekkert að fara út .