Breiðafjarðarferðin

Ég er að undirbúa að geta komið með Lilju.

Kv. GHF.

jafnvel nokkuð líklegt að ég komi með............
nema ég hætti við allt saman - skýrist hugsanlega þegar nær dregur.................. eða ekki. lg

Ég ætla mér að mæta í þessar ferð.

Einar Sveinn

Mæti ásamt Ernu, ef ekkert kemur uppá

Reikna með að koma.
Þorsteinn Jóns

Ég ætla mér að mæta. Eru margir komnir á blað? er að smala saman hérna á Ísafirði.

Sendi póst á Gunnar varðandi þátttöku geri það sama hér.
Magnús M. Norðdahl

Má ég koma með

5-7.ágúst - Breiðafjarðarferðin árlega verður nú þann 5. eða 6. og svo 7. ágúst um eyjar sunnan Breiðastraums og farið verður frá Skógarströndinni, þ.e.a.s. frá bænum Ósi sem er við norðaustanverðan Álftafjörðinn rétt norðan við kirkjustaðinn Narfeyri. Álftafjörðurinn er grunnur fjörður sem skerst inn í Snæfellsnesið rétt austan við Stykkishólm og lokast af eyjaklösum, þar sem Geitareyjar og Gvendareyjar eru austastar.
Möguleiki er á að fara af stað á föstudagskvöldinu fyrir þá sem vilja og þá væri hægt að byrja í Stykkishólmi um kl. 19 og fara með háflæði inn að straumnum Mannabana og svo inn yfir minni Álftafjarðar innan eyjanna að Ósi og tjalda þar. Þetta mætti áætla um tveggja tíma ferð. Það er gaman að koma að Mannabana og fara niður strauminn inn á lygnuna fyrir innan og láta strauminn vinna með sér inn að Ósi. Í Stykkishólmi byrjar sennilega að flæða inn um kl. 17-18 um eftirmiðdegið á föstudeginum 5. ágúst. Aðrir gætu komið á föstdagskvöldinu inn að Ósi og tjaldað þar eða mætt snemma á laugardagsmorgni þangað. Birtar verða leiðbeiningar um aðkomuna að Ósi þann 27. eða 28. júlí.
Þaðan yrði svo lagt af stað milli 9 og 10 á laugardagsmorgninum. Róum að Gvendareyjum og Brattastraum að Öxney þar sem við tjöldum í heimavoginum nálægt 130 ára gömlu húsinu. Skoðum Eiríksvog þar sem Eiríkur Rauði bjó skip sitt til Grænlandsferðar. Líklega náum við að róa í kringum Öxney og jafnvel að Rifgriðingum. Að vanda ætti kvöldið að geta orðið skemmtilegt í Öxney við söguefni og varðeld eftir góðan mat !
Á sunnudag leggjum við snemma af stað og róum inn í Brokey. Þar er gaman að taka pásu, skoða sig um og ganga upp á útsýnisturninn sem þeir byggðu þar (líka gott vatn að fá) og fylgja svo innflæði og liggjanda inn milli Norðureyjar og Brokeyjar, um mjótt sund, beygja kringum Brokeyna og fylgja útflæðisstraumnum sem hefst um kl. 14 út Ólafseyjarsundið tilbaka inn í Ós, sem gengur býsna hratt. Yrðum kominn um kl. 15 -16 að Ósi aftur. Aðrir gætu stefnt á Stykkishólm ef þeir hafa komið þaðan. Sjálfsagt fyrir þá sem geta það að fara í laugina í Stykkishólmi í lokin.
Menn þurfa allan venjulegan viðlegubúnað, mat og drykkjarföng að vild. Þessa ferð fara þeir sem eru vanir ræðarar og hafa góðan búnað. Við bætum við um nánari tilhögun þegar nær dregur.

Umsjón: Reynir T og Gunnar Ingi


P.S. Sett verður inn kort af leiðinni, en RTG á óhægt um vik eins og er (dvelst erlendis til 26.7.) og aðrir mættu gera það og væri þakksamlega þegið, svo og koma með aðrar góðar upplýsingar og tillögur. Svo mega menn fara að láta mig og Gunnar Inga vita hvort þeir áætla að koma og gera það á korkinum eða með e.maili.