Rauðseyjar og Rúfeyjar - Skráning

Það er ekki annað hægt að segja en að veðurspárnar hafi haft mikil áhrif á Breiðafjarðarferðina í ár.

Veðurspárnar voru mjög óstöðugar og breyttust mikið, jafnvel á klukkutíma fresti. Ferðin var blásin af vegna veðurs, sem ég tel hafa verið
rétta ákvörðun, enda vonlaust að fara með allt að 30 kayaka nema í sæmilega góðu veðri.

Á fimmtudagskvöldið fóru þeir Gísli, Lárus og Guðni Páll í Skarðsstöðina, hentu upp tjöldum
og ætluðu að róa á föstudeginum þrátt fyrir óhagstæða veðurspá - naglar.
Þeir reyndu að komast til Akureyja, en urðu frá að hverfa vegna vinds.
Um nóttina reyndi verulega á tjöldin þeirra í allt að 30 m/s vindi,
tjöldin stóðust álagið, þótt stöku súla hafi aðeins bognað. Á Skarði fauk kerra á hliðina og höfðu þeir bændur miklar áhyggjur af tjaldbúum.

Skv. veðurspá á föstudagskvöld, átti vind að lægja snemma á laugardagsmorgun, spáð þurru á laugardeginum en vætu á sunnudeginum.
Það varð úr að við Hildur ásamt Valda og Kristni mættum til þeirra Lárusar, Gísla og Guðna
og rérum frá Skarðsstöðinni á hádegi á laugardag og þveruðum beint í
Bæjarey í Rauðseyjum. Róðurinn hófst í logni en fengum á okkur smá vind á leiðinni ásamt rigningu. Í Rauðseyjum var snæddur hádegismatur.
Ekki var sérstakur áhugi fyrir að gista í Rauðseyjum vegna mikils gæsaskíts um allt og vel blautur.
Rérum yfir í Bæjarey í Rúfeyjum og enduðum á að gista þar.
Það stytti upp síðdegis og við fengum meiri segja smá sólarglennu með grillinu. Um kvöldið athugaði ég aftur veðurspánna á www.vedur.is og enn var 4-6 m/spáð á sunnudeginum.
Um nóttina byrjaði svo aftur að rigna, en vindur enginn.
Um morguninn setum við stefnuna á Djúpeyjar og þaðan til Teisteyjar og Purkeyjar þar sem við boðuðum hádegismat og enduðum ferðina um fjögurleitið í Skarðsstöðinni.

Við vorum oftast í 3-6 m/s vindi og fengum stöku hviður ca 8-10 m/s, ekki var vindurinn meiri en svo.


Myndir sem ég tók er að finna á
picasaweb.google.com/sjokayak/20120812BreiAfjorUr#

kv
Sveinn Axel

Vid erum 7 sem rerum fra Skardsstodinni um hadegid og þverudum beint i Raudseyjar og þadan i Rufseyjar þar sem vid munum gista i nott. Þad var nanast logn i morgun og nuna er 3-4 metrar. Þad er ekkert sem tjoldunum hja strakunum sem fengu sem kynntust hvernig er sem sofa i tjaldi i 30 metrum.

Ég heyrði í Lárusi um 4 leitið. Þeir réru í átt að Akureyjum, hættu við þverun þangað því það bætti stöðugt í vind. Leiðinn til baka var erfið. Þurftu að draga báta yfir eyju í stað þess að róða fyrir hana, sem dæmi. Eitthvað voru tjöldinn barinn eftir daginn þegar þeir komu til baka í tjaldstað, Gísla tjald lagðist með bogna súlu, Guðna sprakk upp á rennilás og tjaldhælar hjá Lárusi að gefast upp.
En þetta sagði Lárus og oftast er ekkert að marka hann. Sel þetta ekki dýrara en ...