Hvítá 3. maí

Það er ekki slæmt að vera í félagi með þessum ungu mönnum. Ég á ekki erfitt með að detta út af á eftir, enda var ég búinn að vera steinsofandi í hálftíma þegar Andri hefur skrifað um ferðina.
Við Guðni Páll tókum vel eftir því að æfingar Andra í holunni í Elliðaánum hafa skilað sér. Ég hafði vit á að sneiða hjá aðstæðum sem hann sótti í - alveg eins og krakkarnir sem þurfa endinlega að þræða pollana Svo þegar við vorum að tala um iður við bakkann (eddy), straumskjól bak við kletta úti í ánni og fleira var líka ljóst að sjómaðurinn Guðni Páll hefur lært mikið af því að leika sér undir brúnni við Reykjanes.
Ein einföld regla dugir mér vel við þessar aðstæður:
Að halla sér alltaf undan fyrirsjáanlegri hröðun .
Dæmi 1: Straumur kemur óvænt úr kafi og stefnir þvert á bátinn frá hægri, hallaðu þér til vinstri.
Dæmi 2: Þú ferð úr skjóli þvert út í straum, hallaðu þér undan straumstefnunni, niður ána.

Við eigum vonandi eftir að fara þessa leið oftar í sumar og þá með fleiri með. Það er fremur slæm nýting á miklum akstri að vera einn í bíl, 2-300 km til þess eins að fá sér 7 km salíbunu niður ána.

Kv. GHF

Ég Guðni Páll og Gísli H.F skruppum í Hvítánna seinni partinn í dag, byrjuðum á veiðistað og rérum niður að Drumboddstöðum.
Ég reyndi aðeins við ölduna, en það gekk frekar illa í þetta skiptið. Það eru nokkur ár síðan ég fór síðast í þessa öldu, en í minningunni var hún stærri, og ekki eins mikið fryss í kringum hana eins og var núna. Veit ekki hvort að þetta hafi eitthvað að gera með vatnsmagn eða hvort að hún hafi breytt sér. Eftir smá ölduæfingar héldum við af stað niður að Brúarhlöðum og síðan restina af ánni með vindinn í bakið. Virkilega gaman að takast á við strauminn og það reyndi aðeins á veltuna hjá okkur Guðna en Gísli komst í gegn án þess að blotna á hausnum. Mig grunar að vatnsmagn í ánni hafi verið vel undir meðallagi en hlakka til að sjá hvernig aðstæður verða næst þegar snjóbráð verður vonandi byrjað af meiri krafti.

Kv,
Andri