Helgarferð á Arnarstapa 15. til 17.júlí

Við höfum fengið lánaða kerruna hjá Kayakklúbbnum Sviða og Jónas ætlar að sækja kerruna á morgun, sú kerra tekur 5-6 kayaka.. Best að Jónas og Eymi tali sig saman, það er nóg að taka með eina kerru,

kv
Sveinn Axel

Undirritaður var munstraður sem róðrarstjóri í þessa ferð.

Þegar þetta er skrifað er verið að spá NA 10 m/s fyrri part laugardags og minni vindi eftir hádegið. Við ættum að vera að einhverju leiti í skjóli þar sem vindur kemur af landi. Það er smástreymt á svæðinu. Róðrarleiðin á laugardeginum er um 9 km hvor leið, þ.a. dagleiðin er 18 km. Möguleiki er á stytta leiðina ef einhverjum finnst þetta of langt og bíða á Hellnum.

Á sunnudeginum er spurning hvort við snúum róðrarleiðinni við og byrjum frekar á Búðum og endum á Arnarstapa vegna fallaskipta, en háflóð er ca kl 10:30-11:00, þ.a. að við höfum fallastrauminn með okkur frá Búðum. Róðurinn á sunnudeginum er um 18 km. Spáð er nokkuð minni vindi á sunnudeginum.

Það hafa verið norðlægar áttir síðustu daga og áfram spáð NA átt, þ.a. hafalda ætti að vera lítil hjá okkur, en það getur blásið eitthvað skv. spám, eins og áður sagði. Ferðin er flokkuð með erfiðleikastuðul 2-3 árar, en ég hallast frekar að 2 árum. Nánar um erfiðleikastuðlana

Þar sem við komum til með að róa við háa kletta og björg, þá er ágætt að hafa hjálmana með í för og nota þegar við á ef þið eigið þá til.

Róðraleiðinni er annars lýst í upphafi þessa þráðar og á fréttasíðunni.

Endilega látið vita ef einhver er með laust pláss fyrir auka kayak og farþega. Fyrir þá sem komast ekki með í ferðina, þá verður SPOT tæki Kayakklúbbsins með í för sem þið getið fylgst með.

kv
Sveinn Axel