Breiðafjörður 6.-8. ágúst

Áætla að koma.

Ég verð með kerru frá Álftanesklúbbnum Sviða að öllum líkindum, sem mig minnir að taki 8 báta. Með mér koma hjónin Steingrímur og Janet, sem búa í Skotlandi og eru vön að róa þar = 2 bátar, Jóhanna Björk hafði pantað pláss og Þórólf vantar a.m.k. eitt aukapláss, látið mig vita sem fyrst. Það þarf að taka eitthvert vægt flutnings/kerruleigugjald per bát . Við erum nú orðin a.m.k. 10 sem ætlum að koma.......

Ég ætla að mæta. Missti af ferðinni í fyrra og ætla ekki að láta það endurtaka sig!

Kveðja
Stefán

Ég held mikið upp á Kvennhólsvoginn neðan Hnúks. Eiginlega minn uppáhaldsbrottfarar og lendingarstaður þarna við Fellsströndina. Þarna er mikill hæðarmunur á flóði og fjöru eða 4-4,5 m eftir straumi eins og allstaðar á þessu svæði Breiðafjarðar. Neðan klettageirans við bryggjuna byrjar slétt sandflæmi sem kemur upp á fjöru en með litlum halla. Á aðfalli er mjög fljótt að falla yfir þennan sandfláka. Sjávarborðið hækkar um 1,3 cm/mín eða um 80 cm/klst. sem er ca. sú dýpt sem þarf til að kayak sé fær leið að bryggjunni eftir stórstraumsfjöru. Þetta er svona til upplýsingar.

Í Breiðafirði þarf oftast að hafa vatn með sér, allavega er það öruggara. Kveðja, Reynir Tómas

Ég stefni á að mæta. Er vatn þar sem við tjöldum eða þarf að taka það með?
kv,
Ólafur Egilsson 861 7707

Sæl öll !
Ég er að skipuleggja ferðina og mun gefa út lokaáætlun í næstu viku. Með tilvísan í Dagskrá 2010 er áformað að leggja upp í Kvennhólsvogi yst á Fellsströndinni á föstudaginum 6. ágúst, helst um kl. 18 og í allra síðasta lagi um kl. 19, með útflæðinu (háflóð er um kl. 17-18), róa út með Dagverðarnesi að Skáley og inn í Bæjarvog á Purkey vestanverðri, rétt innan við Klakkana, ca. 8 km leið. Jón Purkeyjarbóndi býður okkur velkomin að tjalda Í eynni, sem er besti staðurinn að líkindum. Á laugardagsmorgun kl. 9-10 leggjum við upp með dagsnesti með eynni vestanverðri og inn Selasund og í voginn við Hrappsey sem skilur aðaleyjuna frá Dagmálaey. Þar verður kaffipása (Bogi Hrappseyjareigandi segir okkur velkomin þangað), fram yfir háflæði sem er um kl. 12 sýnist mér. Þá verður lagt upp inn yfir Breiðasund og yfir röstina í Kjóeyjar. Þar munum við líka skoða strauma eins og Gagneying milli Galtareyjar og Gagneyjar eða Tvíhyrningsleið milli Suðureyjar og Grímseyjar, allt rétt sunnanvið sjálfa Kjóeyna þar sem við endum í annari góðri kaffipásu fram að liggjandanum um kl. 17-18 en þá förum við aftur yfir röstina inn í strauminn Knarrarbrjót og um sundin norðan við Purkeyna í Bæjarvoginn á ný. Grillið og kvöldvakan taka svo við. Á sunnudag lítum við kannski á Klakkana, róum etv. út í Fremri Langey í kaffipásu og svo með flóðinu inn Kvennhólsvoginn. Ekki má vera of snemma þar af því það er aðgrunnt og því þarf nú að kanna möguleikann á að fara út gegnum Krosssund milli Langeyjana og inn að Langeyjanesi innst í Melavíkinni og hafa þá ferjað bíla þangað yfir. Þar er sennilega dýpra og betra að lenda.

Ég þigg öll góð ráð og tillögur, ekki síst um leiðina og straumana og tímasetningar og menn mega byrja að tilkynna sig í hópinn, á korkinum hér og í e.maili til mín (reynir.steinunn hja internet.is) eða í s. 553 1238 eða 824 5444 (SMS þar líka). Athugið öryggisreglur klúbbsins og að menn þurfa að hafa nokkra reynslu. Róðrarstjórar verða skv. leikreglum klúbbsins.

Kveðja, Reynir Tómas.

Kæru kayakarar.

Mig dreymir um að komast með í Breiðafjörð í águst, enda lifir ferð síðasta sumars enn í minningunni.

Ég hef hinsvegar ekki bát til umráða.
Þó að ég hafi ekki verið virk í klúbbnum síðan síðasta haust (ég er svo mikill heimshornaflakkari ) þá ætla ég að greiða félagsgjaldið og óska hér með eftir lánsbát.

Svo er hitt, og það er far fyrir mig vestur á föstudeginum og til baka að ferð lokinni. Báturinn þarf líka að komast með. Hér með auglýsi ég eftir lausu plássi fyrir unga hnátu.

Ég vona að ég fái draum minn uppfylltan og hlakka til að sjá ykkur uppábúin og vel nestuð. Ég kem með fleig fullan af dýrindis vískí í þetta skiptið og launa sopann frá síðasta sumri

kveðjur úr Skaftafelli
Jóhanna Björk

s: 690 4535
email : johanna.bjork.s@gmail.com