Gleðilegt sumar félagsmenn

Það var fín byrjun á sumrinu hjá þeim sem tóku þátt í fyrsta róðri ársins hjá ferðanefnd í dag. Róið var frá aðstöðu kayaksklúbbsins Sviða á Álftanesi inn í Hafnarfjarðarhöfn að höfuðstöðvum Þyts í Hafnarfirði.

Það biðu ræðara vöfflur og með því sem var kærkomið á þessum fallega degi. Að veitingum loknum fór hluti hópsins til baka.

Samtals tóku 23 ræðarar og 2 bretti þátt í róðrinum þar sem blönduðust saman félagar í Kayakklúbbnum, Sviða og Þyt í skemmtilegum róðri sem fór fram fór fram í blíðskapar veðri og sól á köflum.

Frá og með 1. maí færast róðrar yfir á fimmtudagskvöld. Mæting er kl.18:30 og farið á sjó kl.19.

Ferðanefnd tilkynnir róður á sumardaginn fyrsta, sem er fimmtudaginn 21. apríl

Þetta er heimsókn til tveggja nágrannaklúbba hvorki meira né minna. Mæting er við Hliðsnes kl. 10. Þar taka félagar í kayakklúbbnum Sviða á móti okkur og verða þar einnig félagar í siglingaklúbbnum Þyt. Við búum okkur á sjó og róum inn að Hafnarfjarðarhöfn og fáum móttökur frá Þyt  sem sjá um bakkelsi. Róum síðan til baka í Hliðsnes og ættum að vera þangað komin um kl 14. Nefndin treystir því að félagar hjálpist eitthvað að með bátaflutninga eins og kostur er. 



Þetta er laufléttur sumardagsróður, upplagt fyrir nýja félaga líka. Heildarvegalengd um 10 km.
Til að komast að Hliðsnesi er ekinn Álftanesvegur og beygt af honum til vinstri, inn á Garðaveg og ekinn 650 metra langur kafli uns komið er að hægri beygju og tekur þá við 1660 metra langur spotti inn að upphafsstað róðurs. Aldeilis ljómandi. Sjáumst.
- Nefndin.