Keppni í sjókayakfærni 01.sept

Væri gott að fá að vita breytingarnar fyrir morgundaginn.
Sé þær ekki á heimasíðunni og missti af því í gær í félagsróðrinum
kv
Sigurjon

Er búinn að vera veikur og geng ekki alveg á öllum en ég geri ráð fyrir að mæta og horfa á. Varðandi saurgerlana, þá má nefna að á Seltjarnarnesi er öllu dælt í sjóinn og er það ekkert smámagn. Þannig að ein blokk er ekki mikið í samanburði, eins má nefna að Saurgerlamagn getur hækkað töluvert í lóni ylstrandarinnar á góðum dögum.

Reyni að mæta

Keppnisnefnd hefur gert smávægilegar breytingar á keppnisbraut. Við munum kynna uppfærða braut í félagsróðri í kvöld.

kv. Egill

Ég skrái mig til leiks

Við Guðni Páll erum báðir mengaðir frá því í gær eftir kanó-æfingar undir Gullinbrú í gær. Straumskriðið gekk vel með skutstýringu (stern rudder/draw) og einnig prófuðum við að fara á sund og fljóta fram hjá og kasta síðan línu frá landi.

Ég mæti.

Það er ekkert svo langt síðan að gilt klóakrör lá rétt útfyrir fjöruborð í Eiðsvíkina - beint vestur af gámunum KK. Okkur þótti ekkert tiltökumál að hefja róðra gegnum skólpið eða ljúka róðrum. Engum varð meint af-að vitað sé. Afturá móti var lítið um veltuæfingar þarna. En sennilega hefur saurgerlamengunin verið margföld á við Bryggjuhverfið nú. Góða skemmtun.

Ps. fyrst las ég "Keppni í sjókayakfælni" en með sterkari gleraugum kom hið rétta í ljós := )

mæti i þetta

flott framtak hjá keppnisnefnd

lg

Þresti var send eftirfarandi fyrirspurn:
Við í Kayakklúbbnum fyrirhugum að halda keppni í kayakþrautum laugardaginn 01.sept. milli kl. 11-15. Það er stórstraumsfjara um kl. 12:50. Í keppninni þurfa þátttakendur að velta bátum og synda með báta, þ.e. vera nokkurn tíma í sjónum. Meðfylgjandi mynd sýnir svæðið sem við fyrirhugum að nota.
Í sjónvarpsfréttum í gær fjallaðir þú um saurgerlamengun í Bryggjuhverfinu, við höfum áhyggjur af því hvort óhætt er að halda keppnina í höfninni við Bryggjuhverfið sökum þess. Getur þú upplýst okkur um hvort mengun sé í þeim mæli að óráðlegt sé að vera í sjónum á umræddum stað.

Svar Þrastar er:

Þessi mengun er ekki að því tagi eða í því magni að þið þurfið að hafa neinar áhyggjur. Þetta er mælanleg mengun, en er í raun töluvert minni en mengun sem getur mælst t.d. í tjörnum þar sem mikið fuglalíf er. Skólpið kemur út á bak við hlaðinn garð og sýjast þaðan út í sjóinn. Sjávarstraumar, flóð og fjara sjá til þess að þetta dreifist og eyðist mjög hratt. Auk þess eruð þið með keppnina á þeim tíma þegar fjara er. Þá er endinn á regnvatnsútrásinni fyrir ofan sjávarmál, í hvarfi bak við grjótgarðinn og ekkert fer í sjóinn fyrr en flæðir að aftur.

Ég minni á að fyrir ca 20 árum fór allt skólp úr öllum húsum í Reykjavík beint í fjöruna. Nú fer það í 99,9% í gegn um hreinsistöðvar og er dælt þaðan langt á haf út. Ég legg til að kayakfólk taki gleði sína á ný og njóti laugardagsins út í ystu æsar .

Bestu keppniskveðjur Þröstur Ingólfur Víðisson

Við höfum haft samband við Þröst Víðisson sem gaf umsögnina í fréttum RÚV. Hann upplýsti símleiðis að sjórinn sé hæfur til baða og þetta ætti ekki að hindra keppni.

Hann mun svara formlegri fyrirspurn okkur á email og við munum birta umsögn hans þegar hún berst.

kv. Egill

Skítþynningin í sjónum er slík, að þetta getur ekki verið praktískt vandamál.
Ef eithvað er, þá mun þetta bara örva ónæmiskerfið ofþrifinna og sterílla nútímamanna.