Dóri á Ísafirði tekur Grænlendinginn sinn til kostanna. Glæsilegur farkostur og skemmtilegt viðtal sem blaðamaður Fréttabréfsins tók við hann:
Innilegur sæluhrollur fór um Halldór Sveinbjörnsson prentsmiðjustjóra með meiru á Ísafirði þegar hann fyrst leit augum grænlenska kayakinn sinn í október. Síðan þá hefur hann róið eftir megni en alls kyns vesen, s.s. vinnan og flutningar úr einu húsi í annað, stal frá honum dýrmætum róðratíma. Hann féllst samt á að deila reynslunni af Grænlendingnum með öðrum kayakræðurum.
Sjá allan textann og myndir í Ferðasögum eða smellið beint á þennan tengil
Haldið verður byrjanda og framhaldsnámskeið 14 og 15 Apríl í innilauginni Laugardal. Námskeiðin hefjast kl 16.00 og standa til kl 18.00 báða dagana. Einhverjir eru þegar búnir að skrá sig en nokkur pláss eru enn laus. 
Miðvikudaginn 21.mars verður haldinn fyrirlestur um ofkælingu í húsi ÍSÍ í Laugardal. Fyrirlesturinn byrjar kl. 20:00 og er í fundarherbergi á 3ju hæð. Fyrirlesari verður Mikael R. Ólafsson sjúkraflutningarmaður, kafari og björgunarsveitamaður með meiru. Félagar eru hvattir til að fjölmenna enda er þetta umræðuefni sem við þurfum að kunna skil á. 
