Haldin verða námskeið eftirtaldar helgar kl 16 til 18, báða dagana:

24-25. nóvember annars vegar og  15-16. desember hinsvegar.

Námskeiðin eru haldin í innilauginni Laugardal

Þrennskonar námskeið eru í boði það eru byrjandanámskeið, veltunámskeið og framhaldsnámskeið í áratækni.

Á byrjandanámskeiði er kennd umgengni við bátinn, áratækni, félagabjörgun, áraflot og stuðningsáratök. Einnig er kynning á bátum og búnaði. Námskeiðið er 2 x 2 tímar og kostar 15000 pr mann

Veltunámskeið, en eins og nafnið gefur til kynna er kennd veltan. Námskeiðið er 2 x 2 tímar og kostar 15000 pr mann

Áratækni framhald. Þar er farið í öll helstu áratökin til að ná fullkominni stjórn á bátnum við allar aðstæður. Þetta eru sömu áratök og menn þurfa að læra bæði fyrir 3 og 4 stjörnu BCU próf 2x2 tímar  og  kostar 15000 pr mann.

Reyndir kennarar og heimsklassa aðstaða

Bátar og búnaður á staðnum

Skráning fer fram hjá Magnúsi í síma 8973386 eða msig@simnet.is

Tímamótaáfangi í kayaksportinu náðist í vikunni sem leið þegar Magnús Sigurjónsson öðlaðist alþjóðleg réttindi til að halda Incident Management (IM) námskeið í nafni Jeffs Allen, auk björgunarnámskeiðs sem Jeff hefur þróað og kennt á undanförnum árum. Magnús hefur þarmeð sest á bekk með útvöldum hópi kayakmanna á heimsvísu sem fá IM réttindi hjá Jeff, og er þetta um leið mikilsverður áfangi í menntun íslenskra ræðara sem vilja tileikna sér færni í sjóbjörgun í hæsta gæðaflokki. Töluvert hagræði er að stöðugu innlendu framboði á IM námskeiðunum, en hingað til hafa nemendur ýmist þurft að fara erlendis á þau, eða flytja inn kennara.

Á Incident Management námskeiðum eru þátttakendur þjálfaðir í að skipuleggja sjóbjörgunaraðgerðir og stjórna hóp samhliða, en á björgunarnámskeiðunum er áherslan lögð á persónulega færni við bjarganir þar sem farið er skipulega í mismunandi útfærslur á toglínunotkun, félagabjörgun og fleira.

Jeff Allen hefur síðastliðinn áratug eða svo kennt námskeið sín um víða veröld og hefur á þeim höfundarrétt en veitir, við vissar aðstæður, ákveðnum aðilum hlutdeild í námskeiðahaldinu. Magnús hefur á liðnum árum verið aðstoðarmaður Jeffs á námskeiðunum, bæði hér heima og í Bretlandi og hefur samstarf þeirra nú leitt til fullra kennsluréttinda Magnúsar. Er honum óskað til hamingju með áfangann.